Kniha Sašy Filipienki «Były syn» narešcie vyjdzie i pa-biełarusku
«My budavali, budavali i, narešcie, pabudavali — «Były syn» vychodzić pa-biełarusku ŭ vydaviectvie «Hutenbierh»!!!», — napisaŭ piśmieńnik u svaim fejsbuku.
«Były syn» — pieršaja kniha Sašy Filipienki, jakaja vyjšła ŭ 2014 hodzie pa-rusku.
Hałoŭny hieroj ramana, padletak Francysk ci prosta Cysk, jaki trapiŭ u komu ŭ vyniku masavaj ciskaniny na Niamizie ŭ mai 1999 hoda, prychodzić u siabie praź dziesiać hadoŭ. I jak vyśviatlajecca, kraina ŭsie hetyja dziesiać hadoŭ taksama praviała ŭ komie.
Kniha była pierakładzienaja na dziasiatak movaŭ, ale pa-biełarusku jaje nie było.
Pa-biełarusku vyjdzie taksama «Kremulatar»
***
Saša Filipienka — taksama aŭtar knih «Kremulatar», «Čyrvony Kryž», «Viartańnie ŭ astroh», «Ckavańnie». Hetyja ramany taksama pierakładzienyja na mnohija movy.
Z 2004 da 2020 hoda Filipienka žyŭ u Rasii, dzie pracavaŭ u niezaležnych ŚMI. Saša rezka krytykavaŭ i raniej i ciapier ułady Biełarusi i Rasii, braŭ udzieł u pratestach u žniŭni 2020 hoda ŭ Minsku.
Uletku 2023 hoda ŭ Vilni była pastaŭlena jaho pjesa «Cichary» pra padziei ŭ Biełarusi ŭ 2030 hodzie. Pa siužecie nastaŭ apakalipsis, ale navat jon nie spyniŭ palityčnych sudoŭ, jakija pravodziać u bunkiery.
U studzieni 2024 hoda ŭ Maskvie śpiektakl pa jaho pjesie byŭ admienieny.
U Biełarusi suprać Sašy Filipienki zaviedziena kryminalnaja sprava.
«Pavieryŭ prapahandzie i paličyŭ, što ja zdradnik». Saša Filipienka raskazaŭ, što na jaho napisaŭ danos jahony ž dzied
Na Sašu Filipienku zaviali kryminalnuju spravu
Saša Filipienka: Ci mahčyma ŭvohule, kab usio viarnułasia, stała jak raniej?
«Kremulatar» Sašy Filipienki atrymaŭ prestyžnuju litaraturnuju premiju
Piśmieńnik Saša Filipienka raspavioŭ pra ciapierašni stan baćki i padrabiaznaści jaho zatrymańnia
Ciapier čytajuć
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1111
Kamientary