Ministerstva adukacyi vyznačyła terminy padačy dakumientaŭ, praviadzieńnia ŭstupnych ispytaŭ i zaličeńnia abituryjentaŭ u VNU ŭ 2026 hodzie.
Asnoŭny pryjom dakumientaŭ na biudžet startuje 12 lipienia. U bolšaści vypadkaŭ jon budzie doŭžycca da 17 lipienia, adnak dla šerahu kirunkaŭ i formaŭ navučańnia ŭstanoŭleny asobnyja terminy.
Tak, dla vočnaj formy pa sielskahaspadarčych śpiecyjalnaściach, a taksama dla ŭsich śpiecyjalnaściaŭ u siłavych i vajskovych VNU, uklučajučy vajskovyja fakultety, dakumienty buduć prymać z 12 da 19 lipienia. Zavočniki sielskahaspadarčaha profilu padajuć dakumienty značna paźniej — z 15 listapada da 5 śniežnia.
Na płatnaje navučańnie terminy ahułam supadajuć ź biudžetnymi. Pry hetym dla abituryjentaŭ, jakija pastupajuć biez ustupnych vyprabavańniaŭ, pryjom dakumientaŭ padoŭžany: u bolšaści VNU — da 1 žniŭnia, a pa sielskahaspadarčych śpiecyjalnaściach vočnaj formy — da 2 žniŭnia. Va Univiersitecie hramadzianskaj abarony MNS dakumienty ŭ takich abituryjentaŭ buduć prymać da 26 lipienia.
Ekzamieny i inšyja vyprabavańni ŭ bolšaści VNU projduć z 18 da 25 lipienia.
Vyklučeńni znoŭ tyčacca siłavych i ahrarnych kirunkaŭ:
- va Univiersitecie hramadzianskaj abarony MNS— 18‑20 lipienia;
- na Vajskovym fakultecie Hrodzienskaha dziaržuniviersiteta — 20‑21 lipienia;
- pa sielskahaspadarčych śpiecyjalnaściach vočnaj formy — 20‑25 lipienia;
- u zavočnikaŭ ahrarnych VNU— 6‑15 śniežnia.
Pieršyja zahady ab zaličeńni buduć vydadzienyja ŭžo 2 lipienia — dla pieramožcaŭ univiersiteckich alimpijad i vypusknikoŭ prahramy «Škoła kiravańnia» Akademii kiravańnia.
Asnoŭnaje zaličeńnie na biudžet zakončycca:
- da 22 lipienia — u vajskovych i VNU pry MNS;
- da 29 lipienia — u Akademii MUS i Mahiloŭskim instytucie MUS;
- da 27 lipienia — u astatnich VNU;
- da 20 śniežnia — dla zavočnaj formy ŭ ahrarnych univiersitetach.
Na płatnaje navučańnie abituryjentaŭ zaličać da 3 žniŭnia, a zavočnikaŭ sielskahaspadarčaha profilu — da 20 śniežnia.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary