Adnoj z hałoŭnych padziej dvuchdzionnaha pracoŭnaha vizitu Śviatłany Cichanoŭskaj na Kipr stała sustreča ŭ Nikasii, stalicy hetaj krainy, z prezidentam Kipra Nikasam Chrystadulidzisam. Padčas jaje Cichanoŭskaja zakranuła prablemy spraščeńnia lehalizacyi biełarusaŭ, padtrymki biełaruskaha biznesu i cisku na režym Łukašenki.
Pavodle Kanstytucyi Kipra prezident u hetaj astraŭnoj krainie vykonvaje adnačasova i paŭnamoctvy staršyni ŭrada, tamu, jak padkreślivajecca, ŭ paviedamleńni pres-słužby Cichanoŭskaj, pytańni, jakija aktualizujucca padčas sustrečaŭ, adrazu prachodziać abmierkavańnie na niekalkich palityčnych uzroŭniach.
Padčas sustrečy baki zakranuli šerah aktualnych dla Biełarusi pytańniaŭ:
- spraščeńnie lehalizacyi biełarusaŭ na Kipry;
- padtrymka rełakavanych biznesaŭ;
- cisk na režym i jaho šmatbakovaja izalacyja;
- spraščeńnie bytavych jurydyčnych praceduraŭ;
- adzinaja pazicyja pa situacyi ŭ Biełarusi na mižnarodnaj arenie.
Prezident Chrystadulidzis zapeŭniŭ Śviatłanu Cichanoŭskuju ŭ padtrymcy biełaruskaha naroda. Jon padkreśliŭ: palityka Kipra zastajecca paśladoŭnaj u sudziejańni demakratyčnym siłam i izalacyi režymu.
Prezident Kipra paviedamiŭ, što jahony ŭrad pracuje nad tym, kab pierakryć łaziejki ŭ sankcyjach i zabłakavać kampanii, jakija źviazanyja z režymam.
Abmiarkoŭvalisia taksama pytańni mahčymaści atrymańnia biełarusami kiprskaha pašparta inšaziemca, spraščeńnie dla ich praceduraŭ, kab nie patrabavałasia viartańnie ŭ Biełaruś.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary