Cichanoŭskaja: Režym Łukašenki — kresła na troch nožkach: hrošy, represii i Rasija
«Ale ŭpadzie adna nožka, razvalicca i ŭsio kresła».
Demakratyčnaja lidarka padčas pracoŭnaha vizitu na Kipr praviała bryfinh dla ambasadaraŭ u pasolstvie Polščy. U pramovie Śviatłana Cichanoŭskaja adznačyła: režym Łukašenki nie taki ŭstojlivy, jak moža padavacca, adznačaje jaje pres-słužba.
Jany zaklikała padtrymać namahańni pa vyzvaleńni palitviaźniaŭ na mižnarodnym uzroŭni, a taksama vyrašeńniu prablemaŭ biełarusaŭ ź lehalizacyjaj za miažoj, mabilnaściu i vydačaj vizaŭ.
Voś jak hučali klučavyja idei pramovy:
«Režym značna bolš uraźlivy, čym zdajecca. Jon padobny na kresła na troch nožkach: hrošy, represii i Rasija. Kali ŭpadzie adna nožka, razvalicca i ŭsio kresła».
«Ja ŭpeŭnienaja, što źmieny ŭ Biełarusi adbuducca raniej, čym u Rasii. U Biełarusi niama padtrymki dyktatury. Niama padtrymki ŭdziełu ŭ vajnie. Biełarusy — hłyboka jeŭrapiejskaja nacyja, jakaja, jak i Ukraina, stała achviaraj impierskich ambicyjaŭ Rasii».
«Pakul my razmaŭlajem, tysiačy palitźniavolenych znachodziacca za kratami. Ludziej u turmach izalujuć i katujuć, utrymlivajuć u vielmi ciažkich umovach. Prynamsi piać čałaviek užo pamierli».
«Padtrymajcie naš zaklik da nieadkładnaha vyzvaleńnia ŭsich palitviaźniaŭ. Patrabujcie dostupu da ich. Nastojvajcie na tym, kab instytuty AAN źviarnuli ŭvahu na kryzis. Bieź cisku i mižnarodnaj uvahi režym budzie praciahvać razburać našaje hramadstva i zabivać našych ludziej za kratami».
Kamientary