Karejskaje ahienctva raskazała pra sustreču biełaruskaha dypłamata z paŭnočnakarejskim kaleham
U Pchieńjanie prajšli pierahavory namieśnikaŭ ministraŭ zamiežnych spraŭ Biełarusi i KNDR, u ramkach jakich baki vyrašyli ŭmacavać kantakty na vysokim uzroŭni, a taksama ŭzmacnić ekanamičnaje supracoŭnictva.
Jak paviedamiła Centralnaje telehrafnaje ahienctva Karei, 18 krasavika ŭ stalicy KNDR adbylisia pieramovy pamiž namieśnikam ministra zamiežnych spraŭ krainy Im Čchon Ilem i namieśnikam kiraŭnika MZS Biełarusi Jaŭhienam Šastakovym, jaki 16 krasavika niečakana prybyŭ u Paŭnočnuju Kareju.
U chodzie pierahavoraŭ baki damovilisia ŭmacoŭvać kantakty, u tym liku na vyšejšym uzroŭni, «u adpaviednaści z patrebami źmienlivaha času», a taksama aktyŭna prasoŭvać supracoŭnictva ŭ ekanamičnaj i kulturnaj śfierach.
Biełaruś i KNDR taksama majuć namier uzmacniać uzajemnuju padtrymku na mižnarodnaj arenie dla dalejšaha pašyreńnia i raźvićcia «tradycyjnych družalubnych adnosin i supracoŭnictva pamiž dźviuma krainami», piša CTAK.
Adznačajecca, što baki abmianialisia dumkami pa rehijanalnych i mižnarodnych pytańniach, jakija majuć uzajemnuju cikavaść.
Namieśnik ministra zamiežnych spraŭ Biełarusi Jaŭhien Šastakoŭ i asoby, što jaho supravadžajuć, prybyli ŭ Pchieńjan 16 krasavika. Biełaruskija miedyja, a taksama MZS vizit nie anansavali, mety vizitu Šastakova nie raskryvali.
Ciapier čytajuć
Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi35
Kamientary