U jakim biznesie biełarusy najlepšyja? Mierkavańnie ekanamista Daniejki
Pra toje, jaki biełaruski biznes i čamu źjaŭlajecca samym paśpiachovym, raskazaŭ viadomy ekanamist, administratyŭny dyrektar Centra ekanamičnych daśledavańniaŭ BEROC Pavieł Daniejka ŭ novym vypusku TOKu.
Pavieł Daniejka zhadaŭ teoryju kankurentnych pieravah krain viadomaha ekanamista Majkła Portara. Adpaviedna joj, nacyi dasiahajuć kankurentazdolnaści na suśvietnych rynkach u tych halinach, praduktach, u jakich nacyjanalnaja sistema kaštoŭnaściej daje bolš šansaŭ pieramahčy.
Inšymi słovami, tłumačyć Daniejka, «ty ŭmieješ u ramkach hetaj sistemy kaštoŭnaściej rabić niešta tak dobra, što apieradžaješ svaich kankurentaŭ».
Što ž umiejuć rabić biełarusy? Ekanamist zaŭvažyŭ, što cikavym prykładam źjaŭlajecca biełaruski budaŭničy biznes.
Hety biełaruski biznes u rełakacyi «ruchajecca pa ŭsioj Jeŭropie», i Daniejka tłumačyć čamu:
«Budaŭničy biznes — kvintesencyja niavyznačanaści i kryzisaŭ. Tam uvieś čas treba razhrabać. A my vyraśli pad ciskam Łukašenki ŭ kryzisach. My navučylisia ŭsio vielmi chutka mianiać, znachodzić novyja rašeńni, adaptavacca».
Pa słovach Daniejki, zdolnaść adaptavacca da źmienaŭ abapirajecca jašče i na takuju reč, jak adsutnaść zamiežnych inviestycyj.
Na pohlad ekanamista, pošuk ułasnych rašeńniaŭ vielmi dobra adbiŭsia na jašče adnoj biełaruskaj halinie — IT.
Hladzicie całkam:
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ2
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary