Łukašenka patłumačyŭ, navošta biudžetnikaŭ adpraŭlajuć prybirać kamieńnie z paloŭ
Palityk zajaviŭ, što technika ŭ Biełarusi jość, ale vykarystoŭvać jaje daražej.
Alaksandr Łukašenka, naviedvajučy Kaściukovicki rajon, adkazaŭ niezaležnym ŚMI, jakija aśviatlali temu ŭborki kamianioŭ na palach studentami, vajskoŭcami i biudžetnikami.
«Źbiehłyja miarzotniki zakłapacilisia, što da zboru kamianioŭ na palach u nas pryciahvajuć ludziej — u tym liku školnikaŭ, studentaŭ, vajskoŭcaŭ. Što ŭ nas, maŭlaŭ, techniki niama», — adznačyŭ Łukašenka, jakoha cytuje BiełTA.
Pavodle jaho słoŭ, takaja technika ŭ Biełarusi ŭsio ž jość, adnak vykarystoŭvać jaje nieabchodna ekanomna.
«Ale treba hrošy ličyć. Nie ŭsiudy jaje zapuściš», — zajaviŭ palityk, adznačyŭšy, što takuju techniku metazhodna vykarystoŭvać na hlebach, dzie šmat kamianioŭ. U astatnich vypadkach lepš prybirać kamiani ŭručnuju.
Łukašenku dałažyli, što biełaruskaja mašyna dla zboru kamianioŭ na 40% tańniejšaja za polski anałah, a jaje łakalizacyja składaje 85%.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary