U Biełym domie zajavili, što dapamoha ZŠA dazvolić Ukrainie pačać novy kontrnastup u 2025 hodzie
Ale dalejšaja dapamoha Ukrainie moža akazacca pad pahrozaj, kali ŭ listapadzie prezidentam ZŠA abiaruć Donalda Trampa.
Vajennaja dapamoha ZŠA ŭ pamiery 61 miljarda dołaraŭ, pradastaŭlenaja Ukrainie, moža dazvolić USU pravieści novaje kontrnastupleńnie ŭ 2025 hodzie, zajaviŭ daradca prezidenta ZŠA pa nacyjanalnaj biaśpiecy Džejk Salivan, piša «Mieduza» sa spasyłkaju na Financial Times.
Daradca Džo Bajdena ŭ najbližejšy čas čakaje «rasijskich pośpiechaŭ» na poli boju, pakolki «nielha imhnienna pstryknuć vyklučalnikam».
Salivan miarkuje, što vajennaja padtrymka ZŠA dapamoža Kijevu «trymać liniju» abarony i «zabiaśpiečyć Ukrainie zdolnaść vytrymać rasijski nastup» na praciahu 2024 hoda. Pavodle jaho słoŭ, u 2025 hodzie ŭkrainskija vojski źbirajucca «prasunucca napierad, kab advajavać terytoryju, jakuju rasijanie ŭ ich adabrali».
Luby novy nastup Ukrainy ŭ 2025 hodzie budzie zaležać ad pavieličeńnia finansavańnia z boku kanhresa i adabreńnia Biełaha doma, adznačaje Financial Times. Ale dalejšaja dapamoha moža akazacca pad pahrozaj, kali ŭ listapadzie prezidentam ZŠA abiaruć Donalda Trampa.
Prezident Ukrainy Uładzimir Zialenski zajaviŭ u krasaviku ŭ intervju niamieckaj haziecie Bild, što va ŭkrainskaj armii jość płan čarhovaha kontrnastupleńnia, ale jon zaležyć ad pastavak zbroi, u tym liku z ZŠA.
U krasaviku 2024 hoda ZŠA paśla paŭhoda ŭzhadnieńniaŭ vydzielili Ukrainie pakiet vajennaj dapamohi ŭ pamiery 61 miljarda dołaraŭ. Častka ŭzbrajeńniaŭ, u tym liku artyleryjskija snarady, užo pastupili va Ukrainu. Pry hetym pastaŭki sistem Patriot čakajucca ŭ červieni.
Ciapier čytajuć
Babaryka: Kali b my pieramahli — vajny va Ukrainie nie było b23
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»77
Kamientary