U ofisie redakcyi prajšoŭ pieratrus.
Kabmin Izraila prahałasavaŭ za spynieńnie pracy katarskaha telekanała ŭ krainie. Pra heta ŭ sacsietcy Ch paviedamiŭ premjer-ministr Izraila Bińjamin Nietańjachu, piša «Nastojaŝieje vriemia»
«Uznačaleny mnoj urad adnahałosna pryniaŭ rašeńnie: u Izraili budzie zakryty pravakacyjny kanał Al Jazeera», — napisaŭ jon.
Sajt telekanała byŭ zabłakavany ŭ Izraili, a ŭ ofisie redakcyi adbyŭsia pieratrus, padčas jakoha ŭ žurnalistaŭ kanfiskavali techniku.
U paviedamleńni na sajcie Al Jazeera havorycca, što Izrail pryniaŭ «złačynnaje» rašeńnie, jakoje parušaje prava čałavieka na dostup da infarmacyi.
Kamitet pa abaronie žurnalistaŭ (CPJ) asudziŭ rašeńnie izrailskaha ŭrada, adznačyŭšy, što heta niebiaśpiečny precedent, jaki moža paŭpłyvać na pracu ŭ Izraili inšych mižnarodnych miedyjaŭ.
1 krasavika parłamient Izraila kančatkova zaćvierdziŭ zakon, jaki dazvalaje zakryvać ŚMI, kali jany ŭjaŭlajuć pahrozu biaśpiecy krainy. U CPJ adznačali, što hety zakon pravakuje samacenzuru i varožaje staŭleńnie da presy.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary