U brytanskim Lidsie deputat paśla pieramohi na vybarach padniaŭ ściah Paleściny i vyhuknuŭ «Ałach Akbar»
Macin Ali bałatavaŭsia ŭ haradskuju radu Lidsa ad partyi zialonych. Jon vyjhraŭ u svajoj akruzie z vynikam 51,6%, apiaredziŭšy kandydata ad lejbarystaŭ, jaki nabraŭ 39%.
Paśla abviaščeńnia vynikaŭ vybaraŭ Ali, jaki byŭ apranuty ŭ tradycyjnuju musulmanskuju vopratku, padniaŭ paleścinski ściah i ŭskliknuŭ:
«Nas nie prymusiać maŭčać! My padymiem hołas Hazy. My padymiem hołas Paleściny. Ałach Akbar!»
Ali — kvalifikavany muftyj, jon upaŭnavažany prymać rašeńni pa pytańniach musulmanskaha prava. Jon pracuje buchhałtaram i žyvie ŭ svajoj akruzie ŭžo 20 hadoŭ, piša Daily Mail.
Mocin viadomy svaimi antysiemickimi vykazvańniami, padčas vybarčaj kampanii jon rabiŭ staŭku na prapaleścinskuju i antyizrailskuju rytoryku — u jahonaj akruzie dola isłamskaha nasielnictva składaje 40%.
U kastryčniku 2023 hoda, paśla ŭvarvańnia bajevikoŭ CHAMAS na terytoryju Izraila i zabojstva mirnych izrailcian, Ali nazvaŭ Siektar Haza «samym vialikim kancentracyjnym łahieram u śviecie» i zajaviŭ, što paleścincy majuć prava na supraciŭ.
U chodzie miascovych vybaraŭ u Vialikabrytanii kandydaty-musulmanie, jakija vykarystoŭvali prapaleścinskuju rytoryku, pieramahli jašče ŭ niekalkich akruhach, adabraŭšy miescy ŭ lejbarystaŭ. Musulmanskaja hramada rasčaravanaja tym, što lidar partyi Kiejr Starmier vystupaje ŭ padtrymku Izraila i zmahajecca z antysiemityzmam unutry arhanizacyi.
Lejbarysty pieramahli na miascovych vybarach pa ŭsioj krainie, naniosšy poŭnaje paražeńnie kansiervataram, jakija ciapier kirujuć. Ale ŭ akruhach ź vialikimi musulmanskimi hramadami Lejbarysckaja partyja straciła ad 25 da 43% hałasoŭ.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna8
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1212
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha12
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary