«Padpisali treci padzieł Rečy Paspalitaj». Biehły polski sudździa naviedaŭ Hrodna
Tomaš Šmit vyrašyŭ pavandravać pa novaj radzimie.
Polski sudździa Tomaš Šmit, jaki źbieh u Minsk i zapytaŭ palityčnaha prytułku, vypraviŭsia ŭ pajezdku ŭ Hrodna.
Charakterna, što vizit Šmita aśviatlali žurnalisty z puła kiraŭnika Hrodzienskaha abłvykankama Uładzimira Karanika.
Dla Šmita arhanizavali ekskursiju pa Starym zamku, jon adznačyŭ, što heta było lubimaje miesca karala polskaha i vialikaha kniazia litoŭskaha Stefana Batoryja. Byłomu sudździ raspaviali pra zamak, inšyja słavutaści Hrodna, a taksama pra treci padzieł Rečy Paspalitaj. Šmit taksama naviedaŭ kaścioł i pravasłaŭnuju carkvu.
Miarkujučy pa videa, jakoje raspaŭsiudziŭ puł Karanika, Šmit słuchaŭ apaviadańnie na ruskaj movie bieź pierakładčyka.
Puł Karanika raspaŭsiudziŭ i vykazvańni Šmita.
Juryst pryhadaŭ pra zakryćcio biełaruskich škoł u mižvajennaj Polščy i paraŭnaŭ tuju situacyju z zakryćciom krainami ES pamiežnych pierachodaŭ na miažy ź Biełaruśsiu.
Sudździa Vajavodskaha administracyjnaha suda Varšavy Tomaš Šmit źbieh u Biełaruś 6 maja. Jon daŭ u Minsku pres-kanfierencyju, na jakoj abviaściŭ, što maje namier prasić u Biełarusi palityčnaha prytułku.
Polskija śpiecsłužby miarkujuć, što Šmit niekalki hadoŭ kantaktavaŭ ź biełaruskaj vyviedkaj i rasijskimi ahientami ŭ Polščy. Pa słužbie jon mieŭ dostup da sakretnaj i adčuvalnaj infarmacyi. Šmitu na radzimie pahražaje pažyćciovaje źniavoleńnie. Polski sud dazvoliŭ jaho aryštavać.
«Na jaho žyćcio palujuć ahienty CRU, a jon hulaje pa Minsku, prosta sarvihałava»
U Polščy raskazali, jak sudździa Šmit zajechaŭ u Biełaruś. Turcyja ni pry čym
Polski sud dazvoliŭ źniać imunitet z uciekača ŭ Biełaruś sudździ Šmita i vydać ordar na jahony aryšt
Sudździa, jaki ŭciok u Minsk, pryjšoŭ na intervju z hieorhijeŭskaj stužkaj — jaho nazvali «polskim dysidentam»
Źbiehłamu ŭ Biełaruś sudździ Šmitu ŭ Polščy pahražaje pažyćciovaje
Sudździu, jaki źbieh u Biełaruś, niekalki miesiacaŭ viała polskaja kontrraźviedka
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary