Akciora na hałoŭnuju rolu ŭ filmie «Kupała» zaćviardžała Administracyja Łukašenki
Łatvijski akcior Mikałaj Šestak syhraŭ pieśniara ŭ filmie «Kupała», jaki tak i nie vyjšaŭ u prakat.
Pra detali kastynhu akcior raspavioŭ u intervju partału LSM.lv, zaŭvažyŭ telehram-kanał «Cviaŝiennyj Biełavud».
«Strach kiraŭnictva studyi ździejśnić pamyłku pryvioŭ da zaćviardžeńnia ŭ niekalki etapaŭ: spačatku na studyi, potym sklikali ideałahičnuju kamisiju, potym Minkult. U kancy proby byli nakiravanyja ŭ Administracyju prezidenta… zaćvierdzili», — uspaminaje akcior.
Sam Šestak nie viedaje, ź jakoj pryčyny zaćvierdzili mienavita jaho.
«Mahčyma, biełaruskija karani (moj baćka byŭ biełarusam) abo toje, što ja byŭ jeŭrapiejcam i jak by moh być suviaznym źvianom u kulturnych suviaziach pamiž krainami».
U 2020 hodzie režysior filma Uładzimir Jankoŭski raspaviadaŭ, što film paśla stvareńnia zaćviardžali na vysokim uzroŭni — jaho pa čarzie hladzieli kiraŭnictva ministerstvaŭ i siłavych viedamstvaŭ, u tym liku Administracyja Łukašenki.
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary