Viasielle adbudziecca ŭ Maskvie, ale śpiavačka zatym pierajedzie ŭ inšy horad.
Zasłužanaja artystka Biełarusi, śpiavačka Anžalika Ahurbaš raskazała, što hetym letam vychodzić zamuž.
«Ja vychodžu zamuž hetym letam, bolš za toje — na bližejšy hod pierajazdžaju ŭ inšy horad Rasii. Viasielle budzie i ŭ Maskvie taksama. Ja publičnaja asoba i ź vialikaj pavahaj staŭlusia da presy. Cudoŭna razumieju, što najlepšaje, što moža zrabić publičnaja asoba, — ščyra pahutaryć z žurnalistami, kab jany ničoha nie prydumlali. Zaraz nie mahu raskazać padrabiaznaści, tamu što ščaście lubić cišyniu. Sukienka ŭžo hatovaja, ale, ščyra kažučy, piarścionki i sukienki dla mianie nie majuć značeńnia», — zajaviła jana.
Heta budzie faktyčna čaćviorty šlub biełaruski.
Upieršyniu jana vyjšła zamuž u 18 hadoŭ. U režysiora Ihara Lenieva i maładoj śpiavački Liki Jalinskaj tady naradziłasia dačka Darja. Šlub raspaŭsia praz dva hady.
Zatym jana pražyła razam z kulturystam Valeryjem Biziukom šeść hod, naradziŭšy syna Mikitu, ale aficyjna ich adnosiny nie byli zarehistravanyja.
U pačatku 2000-ch Anžalika paznajomiłasia z kaŭbasnym mahnatam Mikałajem Ahurbašam i pierajechała ŭ Maskvu, u šlubie naradziŭsia syn Anastas.
U 2012 hodzie para rasstałasia, nieŭzabavie paśla rastańnia jana pačała sustrakacca z kazachstanskim biznesmienam Anatolem Pabijacham. Para abviaściła pra zaručyny, ale viasielle tak i nie adbyłosia. U 2015 hodzie Anžalika zajaviła, što rasstałasia sa svaim kachanym.
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary