U Polščy ŭ druhi tur vychodziać mer Varšavy Tšaskoŭski i historyk Naŭrocki
U pieršym tury ŭdzielničała 13 kandydataŭ.
Siońnia ŭ Polščy prachodzić pieršy tur prezidenckich vybaraŭ. Usiaho 13 kandydataŭ, ale asnoŭnaja baraćba čakałasia pamiž dvuma ź ich — kandydatam ad kiroŭnaj partyi «Hramadzianskaja płatforma» meram Varšavy Rafałam Tšaskoŭskim i dyrektaram Instytuta nacyjanalnaj pamiaci Karalem Naŭrockim, jakoha padtrymlivaje «Prava i spraviadlivaść».
Ekzit-poły dajuć 30,8% Tšaskoŭskamu i 29,1% Naŭrockamu.
53-hadovy Rafał Tšaskoŭski mieŭ dobruju padtrymku jašče na minułych vybarach, ale ŭ druhim tury sastupiŭ ciapierašniami prezidentu Andžeju Dudzie. Jaho niedachopam ličać toje, što jon dla mnohich palakaŭ zanadta levy i razumny, daloki ad žychara hłybinki. Dobra vałodaje francuzskaj, vystupaje za dostup žančyn da abortaŭ, padtrymlivaje padzieł dziaržavy i katalickaj carkvy…
Jak pisała Bi-bi-si, u adkaz na hety hramadski zapyt Tšaskoŭski mocna spraściŭ svaju pieradvybarčuju rytoryku, časta paŭtaraŭ, što vialikaja palityka pavinna viarnucca da «zdarovaha sensu», to-bok da prostych i zrazumiełych zvyčajnamu palaku rašeńniaŭ. Adnak hety pravy pavarot Tšaskoŭskaha pryvioŭ chutčej da rasčaravańnia častki jaho «arhaničnaha» elektaratu.
42-hadovy dyrektar Instytuta nacyjanalnaj pamiaci i były baksior Karal Naŭrocki maje mała palityčnaha dośviedu, trapiŭ u šerah skandałaŭ. Adnak na niadaŭnim vialikim partyjnym schodzie jaho padtrymaŭ Duda.
Chto jašče byŭ u kandydatach:
- Artur Bartaševič — biespartyjny;
- Mahdalena Biejat — biespartyjnaja;
- Hžehaž Braŭn — «Kanfiederacyja Polskaj Karony»;
- Šyman Hałoŭnia — «Polšča 2050»;
- Marek Jakubiak — «Fiederacyja dla Respubliki»;
- Maciej Maciak — biespartyjny;
- Słavomir Mencen — «Kanfiederacyja Svaboda i Niezaležnaść»;
- Jaanna Senyšyn — biespartyjnaja;
- Kšyštaf Stanoŭski — biespartyjny;
- Marek Voch — «Biespartyjnyja samaŭradaŭcy — Łučyć nas Polšča»;
- Adryjan Zandberh — «Razam».
-
U Indaniezii pieraviarnuŭsia pasažyrski parom z 243 pasažyrami na borcie: 130 čałaviek źnikli bieź viestak
-
Lidarka «Alternatyvy dla Hiermanii» zapatrabavała vysłać ukrainskich mužčyn i vystavić Kijevu rachunak za škodu
-
Jemienskija chusity zachapili stratehičnyja astravy Bab-el-Mandebskaha praliva. Adzin z najbujniejšych handlovych šlachoŭ faktyčna apynuŭsia pad kantrolem bajevikoŭ
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks24
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1818
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki18
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
Heta vielmi šmat, hańba tym palakam jakija za ich prahałasavali