U Minsku ŭzmacnili kantrol za viełasipiedystami i samakatčykami
DAI pilna sočyć za parušeńniami.
Staličnaja Dziaržaŭtainśpiekcyja ŭzmacniła kantrol za viełasipiedystami i samakatčykami.
Supracoŭniki DAI buduć pilna sačyć za parušeńniami hetaj hrupy ŭdzielnikaŭ darožnaha ruchu. U milicyi nahadali, što samakatčyki pavinny vykonvać praviły.
Naprykład, pierasiakać prajeznuju častku možna tolki z chutkaściu piešachoda. Zabaroniena katacca na samakacie ŭdvaich, kali inšaje nie praduhledžana kanstrukcyjaj, a taksama nie trymajučysia za rul, paviedamlaje staličnaja DAI.
Samakatčyki i viełasipiedysty majuć prava jeździć pa vieładarožkach, pa krai prajeznaj častki pa chodzie ruchu transpartu, a kali vieładarožki niama, to pa tratuary, nie zaminajučy piešachodam.
Maksimalna dapuščalnaja chutkaść jazdy na samakacie składaje 25 kiłamietraŭ u hadzinu.
Adzin sa staličnych šerynhaŭ raniej ukaraniŭ u samakaty sistemu na asnovie štučnaha intelektu, jakaja budzie vyznačać, što na samakacie jeduć dvoje, i zapavolvać jaho. Parušalnikam taksama pahražaje błakavańnie.
Kamientary