Pakul kiroŭca była na śviatočnaj liniejcy ŭ škole, razzłavany mužčyna abkruciŭ skotčam jaje mašynu
Niezvyčajny varyjant baraćby z tymi, chto lubić pryparkavacca tam, dzie nielha, prydumaŭ žychar Smalavičaŭ. Pabačyŭšy pierad varotami ŭłasnaha domu čužuju mašynu, mužčyna pačaŭ abkručvać jaje skotčam. A dobry susied zaśniaŭ usio heta na videa i vykłaŭ u tyktok.
U roliku bačna, jak małady mužčyna ŭ šortach miełanchalična chodzić vakoł aŭtamabilu, raŭnamierna i staranna abmotvajučy jaho klejkaj stužkaj. Aŭtar videa, jaki žyvie praz darohu, adrazu rastłumačyŭ: «Kali niechta pastaviŭ mašynu na ŭjeździe ŭ tvoj dom. Smalavičy».
Za dzień rolik nabraŭ kala 756 tysiač prahladaŭ i bolš za 22 tysiačy łajkaŭ, a taksama vyklikaŭ aktyŭnuju dyskusiju nakont taho, chto bolš nie maje racyju.
Praciah (i pačatak) historyi možna daviedacca ŭ inšym tyktok-akaŭncie. Vyśvietliłasia, što kiroŭca BMW pryjechała ŭ škołu na śviatočnuju liniejku plamieńnicy. Pakolki kala navučalnaj ustanovy parkovačnaha miesca nie znajšłosia, žančyna vyrašyła pakinuć mašynu ŭ pryvatnym siektary. A kali viarnułasia praź dźvie 2 hadziny pabačyła, što jaje BMW «upakavany» ŭ cełafan i skotč.
Kiroŭca vyklikała milicyju. Tym časam źjaviłasia DAI i vypisała joj štraf za niapravilnuju parkoŭku. U hety momant hałoŭny hieroj pieršaha roliku vyrašyŭ rastłumačyć svaju pazicyju. Maŭlaŭ, jamu adnojčy tak užo zabłakavali padjezd i pieraškodzili vyhruzić piasok. Tamu zaraz jon rašyŭ adpomścić za ŭsie kryŭdy.
Siłaviki skłali pratakoł i na mužčynu. I papiaredzili, što ŭ zaležnaści ad sumy naniesienaha ŭronu zaležyć, razmova budzie iści ab administracyjnaj abo kryminalnaj adkaznaści.
U Mahilovie ŭračysta adkryli viertykalnuju viełaparkoŭku
Kala skulptury zubra na trasie M1 zrabili parkoŭku
U centry Minska zrobiać biaspłatnyja parkoŭki dla naviedvańnia sacyjalnych abjektaŭ. Jak sistema budzie pracavać
Parkoŭki kala sadkoŭ i balnic u Minsku stanuć biaspłatnymi. Na peŭny pramiežak času
Kamientary