Пакуль кіроўца была на святочнай лінейцы ў школе, раззлаваны мужчына абкруціў скотчам яе машыну
Незвычайны варыянт барацьбы з тымі, хто любіць прыпаркавацца там, дзе нельга, прыдумаў жыхар Смалявічаў. Пабачыўшы перад варотамі ўласнага дому чужую машыну, мужчына пачаў абкручваць яе скотчам. А добры сусед засняў усё гэта на відэа і выклаў у тыкток.
У роліку бачна, як малады мужчына ў шортах меланхалічна ходзіць вакол аўтамабілю, раўнамерна і старанна абмотваючы яго клейкай стужкай. Аўтар відэа, які жыве праз дарогу, адразу растлумачыў: «Калі нехта паставіў машыну на ўездзе ў твой дом. Смалявічы».
За дзень ролік набраў каля 756 тысяч праглядаў і больш за 22 тысячы лайкаў, а таксама выклікаў актыўную дыскусію наконт таго, хто больш не мае рацыю.
Працяг (і пачатак) гісторыі можна даведацца ў іншым тыкток-акаўнце. Высветлілася, што кіроўца BMW прыехала ў школу на святочную лінейку пляменніцы. Паколькі каля навучальнай установы парковачнага месца не знайшлося, жанчына вырашыла пакінуць машыну ў прыватным сектары. А калі вярнулася праз дзве 2 гадзіны пабачыла, што яе BMW «упакаваны» ў цэлафан і скотч.
Кіроўца выклікала міліцыю. Тым часам з’явілася ДАІ і выпісала ёй штраф за няправільную паркоўку. У гэты момант галоўны герой першага роліку вырашыў растлумачыць сваю пазіцыю. Маўляў, яму аднойчы так ужо заблакавалі пад’езд і перашкодзілі выгрузіць пясок. Таму зараз ён рашыў адпомсціць за ўсе крыўды.
Сілавікі склалі пратакол і на мужчыну. І папярэдзілі, што ў залежнасці ад сумы нанесенага ўрону залежыць, размова будзе ісці аб адміністрацыйнай або крымінальнай адказнасці.
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская7
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары