U Biełarusi zamiežniku pahražaje da 25 hadoŭ kałonii. Jaho buduć sudzić za «najomnictva» i «ahienturnuju dziejnaść»
U Minskim abłasnym sudzie 6 červienia raspačniecca sud nad Ryka Kryhieram. Vierahodna, heta hramadzianin Niamieččyny, robiać dapuščeńnie pravaabaroncy.
Jaho abvinavačvajuć adrazu pa šaści ciažkich artykułach Kryminalnaha kodeksa: «najomnictvie» (art. 133), «ahienturnaj dziejnaści» (art. 358-1), «akcie teraryzmu» (č. 3 art. 289), «stvareńni ekstremisckaha farmavańnia» (č. 3 art. 361-1), «naŭmysnym pryviadzieńni ŭ nieprydatnaść transpartnaha srodku abo šlachoŭ znosin» (č. 4 art. 309), «niezakonnych dziejańniach u dačynieńni da ahniastrelnaj zbroi, bojeprypasaŭ i vybuchovych rečyvaŭ» (č. 4 art. 295), piša «Viasna».
Heta pieršy sud u Biełarusi za «najomnictva» (art. 133), bo za namier dałučycca da vajennych farmavańniaŭ va Ukrainie biełarusaŭ sudziać pavodle art. 361-3 KK (udzieł na terytoryi zamiežnaj dziaržavy va ŭzbrojenym farmavańni).
Pravaabaroncam nieviadomaja sutnaść abvinavačańnia. Aficyjnyja viedamstvy ničoha nie paviedamlali pra zatrymańnie pa takoj spravie. Chutčej za ŭsio, havorka idzie pra «padrychtoŭku» ci «namier». Mužčynu pahražaje da 25 hadoŭ kałonii. Spravu budzie razhladać Aleh Łapieka.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary