Siem vypusknikoŭ Mazyrskaha abłasnoha liceja atrymali 100 bałaŭ na CE pa matematycy
Sakrety pośpiechu ad nastaŭnicy Volhi Holik.
Maksimalny vynik na centralizavanym ekzamienie pa matematycy — 100 bałaŭ — u siami vypusknikoŭ Mazyrskaha dziaržaŭnaha abłasnoha liceja. Siaredni bał CE pa hetym pradmiecie siarod 44 vypusknikoŭ — 90. Nastaŭnik Volha Holik padzialiłasia z «Nastaŭnickaj hazietaj» sakretam zavajavańnia matematyčnych viaršyniaŭ.
«Usia sprava ŭ spałučeńni rehularnaj praktyki, razumieńnia materyjału i vykarystańnia sučasnych instrumientaŭ. … Hałoŭnaje — nie zubryć, a raźbiracca, tady kožnaja formuła stanie sajuźnikam, a nie voraham. Vuču dziaciej nie bajacca zadavać pytańni, pracavać u kamandzie i dzialicca viedami. Hałoŭnaje — vieryć u siabie, stavić mety i krok za krokam iści da ich dasiahnieńnia. Kožnaja pamyłka — heta ŭrok, a kožny pośpiech — zasłužanaja ŭznaharoda».
Volha Holik kaža, što jany rašali zadačy ŭ takim tempie, što spartoŭcy, jakija rychtujucca da Alimpijady, im by pazajzdrościli.
«Tolki zamiest stadyjona ŭ nas byŭ kłas, a zamiest spartyŭnaj formy — sšytki i asadki. Dadatkovyja zaniatki i kansultacyi dapamahli zamacavać vynik. Byli momanty, kali naš kabiniet pieratvaraŭsia ŭ sapraŭdny matematyčny štab», — kaža nastaŭnica,
«Doktar, u mianie sinusy nie sychodziacca!»— «Nie biada, ciapier padlečym!» — uspomniŭsia žart, jaki razradžaŭ abstanoŭku i dadavaŭ dobraha nastroju», — dadaje jana, zaznačajučy, što jany ŭsie razam stali adnoj vialikaj matematyčnaj siamjoj, a ŭ padrychtoŭcy vykarystoŭvali sučasnyja mietady navučańnia: ad interaktyŭnych došak da anłajn-resursaŭ, i matematyka stała dla dziaciej pa-sapraŭdnamu zachaplalnaj i cikavaj.
Bolš za toje, u cełym sioleta pa vynikach dvuch centralizavanych ekzamienaŭ u vypusknikoŭ liceja — 22 stobalnyja vyniki.
Volha Holik kaža, što ščyra padtrymlivała svaich dziaciej i vieryła ŭ pośpiech.
«Kožny dzień kazała dzieciam: «Vy zmožacie! Vy hienii!» I jany sapraŭdy zmahli! Hienii? Viadoma! Ich nievierahodna cudoŭnyja vyniki — naša ahulnaje dasiahnieńnie», — kanstatuje vykładčyca.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary