Kiraŭnica «Biełaj Rusi» znoŭ vystupiła ŭ abaronu biełaruskaj movy i zastupiłasia za Karatkieviča dy Bykava
Namieśnica staršyni Hrodzienskaj abłasnoj arhanizacyi hramadskaha abjadnańnia «Biełaja Ruś» Śviatłana Varanica čarhovy raz žorstka raskrytykavała hrodzienskuju danosčycu Volhu Bondaravu i jaje paplečnic, jakija znoŭ u svaich kanałach pa-chamsku abražali biełaruskuju movu, skarystaŭšy jak nahodu vykarystańnie jaje na etykietkach hrodzienskim pradpryjemstvam «Małočny śviet».
Prykłaŭšy da svajho pasta skryny ź niadaŭnich publikacyj Volhi Bondaravaj, mastački Śviatłany Žyhimont i błohierki Taćciany Sidarovič, Varanica piša:
«Toje, što ja publikuju na hetych skrynach z troch TH-kanałaŭ — heta nie krytyka. Heta prynižeńnie biełaruskaj movy ŭ Respublicy Biełaruś, ździek ź dziaržaŭnaj palityki ŭ halinie vykarystańnia dziaržaŭnych moŭ, zaklik da treciravańnia kalektyvu adnaho z horadaŭtvaralnych pradpryjemstvaŭ (ci daŭno hetyja ž «dziejačy vialikija» napadali na «Savuškin pradukt»?). I heta, adpaviedna, jak pa mnie, nie svaboda mierkavańniaŭ».
Pry hetym jana robić vysnovu, što
«taki sietkavy chiejt padsiłkoŭvajecca, u tym liku, i źniknieńniem sa školnaj prahramy tvoraŭ Uładzimira Karatkieviča, i abraźlivymi vypadami na adras Vasila Bykava».
Skončyła ž svoj ruskamoŭny post Śviatłana Varanica abzacam pa-biełarusku:
«Miortvym nie balić», a žyvym ad minułaha rodnaj ziamli adrakacca ci dazvalać haniebna adnosicca da rodnaj movy, choć ruskaj, choć biełaruskaj, choć našaha ŭnikalnaha šmathałośsia — sprava nie tolki drennaja z maralnaha punktu hledžańnia, ale i vielmi niebiaśpiečnaja. U katory raz užo padkreślivaju, što novaja Kancepcyja nacyjanalnaj biaśpieki nie na pustym miescy napisana».
«Dapuścim, čałaviek ź nizkim uzroŭniem kultury». Kiraŭnička «Biełaj Rusi» rezka adkazała na chamski dopis pra biełaruskuju movu mastački Žyhimont
Bondarava stukała ŭ KDB na Varanicu z «Biełaj Rusi»
Dopisy supracoŭnika «Minskaj praŭdy» pierapoŭnili čašu ciarpieńnia kiraŭnicy «Biełaj Rusi»
«Zamach na maju siamju!» Ideołah z «Biełaj Rusi» prosić abaranić jaje ad Bondaravaj
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary