Śviatkavali ŭ kalidory pobač z prybiralniaj: u bresckaj škole pierastaralisia sa ścipłaściu vypusknoha
Paśla taho, jak Alaksandr Łukašenka aburyŭsia školnymi vypusknymi na limuzinach, čynoŭniki pačali abiacać: nijakaj raskošy vypuskniki nie ŭbačać. Ale ścipłaść bankieta ŭ škole №1 Bresta sapraŭdy ŭražvaje.
Videa sa śviatočnaha viečara źjaviłasia ŭ tyktoku. Maci vypusknika pakazała, jak vyhladaŭ bankiet dla sotni adzinaccacikłaśnikaŭ bresckaj škoły № 1. Stały čamuści pastavili prosta ŭ kalidory — na adnych niešta hatavali, na inšych užo stajała hatovaja ježa. Pobač sa stałami stychijna ŭźnikli hory śmiećcia. Zahadzia narezanyja ahurki ŭ viadry (vidavočna, hetuju častku narezki jašče nie paśpieli pastavić na stoł) susiedničali sa śmiećciem.
U podpisy da rolika žančyna, syn jakoj jakraz skončyŭ hetu škołu, napisała:
— Administracyja vyrašyła, što narmalna adśviatkavać my nie zasłužyli. Usio prachodziła ŭ kalidory kala prybiralni. Baćki stajali jak achoŭniki, ni sieści (nie było nivodnaha kresła), ni tym bolš adznačyć my nie zasłužyli.
Žančyna śćviardžaje, što ŭ škole jość vialikaja spartyŭnaja zała i stałovaja, ale čamuści bankiet pravodzili nie tam. Možna było b padumać, što administracyja škoły zanadta litaralna zrazumieła słovy Łukašenki i pierastarałasia sa ścipłaściu vypusknoha. Ale žančyna dadała:
— Voś tak čakaješ vypuskny, a atrymoŭvaješ poŭnaje rasčaravańnie. Jak akazałasia, letaś była takaja ž historyja. Moža, čas užo niešta rabić?
Čytač «Našaj Nivy» źviarnuŭsia ŭ škołu, ale administracyja ŭ adkaz paraiła nie mierkavać pra mierapryjemstva pa kamientaryjach, a zamiest hetaha pahladzieć fotaspravazdaču pra vypuskny viečar na aficyjnym sajcie škoły.
Tam tolki zdymki, zroblenyja na aficyjnaj častcy ŭ aktavaj zale. Nivodnaha fota z furšetu čamuści niama. Zatoje siarod vypusknikoŭ na scenie bačny i tyja ludzi, jakija trapili ŭ rolik.
Za 4 dni videa nabrała kala 410 tysiač prahladaŭ.
Siamja Pratasievičaŭ praśpiavała «Viecier pieramien». Jak sioleta śviatkavali vypusknyja
Siońnia pa ŭsioj krainie projduć vypusknyja. Adznačać u restaranach, kafe sioleta kateharyčna zabaroniena
«My pryjdziem mienavita ŭ hetaje miesca, mienavita siudy». Volha Čamadanava raskazała, jak kreatyŭna sioleta buduć pravodzić vypusknyja
Bieź limuzinaŭ i dydžejaŭ, ale z Hodam jakaści. Paśla zaŭvahi Łukašenki ŭ Minsku zabaranili «zališniuju raskošu» na vypusknych
Ciapier čytajuć
U niaviestki Łukašenki novy prajekt. Pradziusar — Hanna Łukašenka, aŭtar scenaryja — Hanna Siałuk5
Kamientary