Alaksandr Łukašenka pryznačyŭ Siarhieja Alejnika členam Savieta Respubliki, piša BiełTA.
«Jon budzie ŭznačalvać adpaviednuju kamisiju. Jon z hetym pahadziŭsia», — skazaŭ Alaksandr Łukašenka.
Łukašenka nahadaŭ, što były dypłamat Siarhiej Račkoŭ uznačalvaje ŭ Pałacie pradstaŭnikoŭ Pastajannuju kamisiju pa mižnarodnych spravach. Anałahičnaja pasada ŭ Saviecie Respubliki budzie i ŭ Siarhieja Alejnika.
«Parłamiencki kantrol nad pracaj Ministerstva zamiežnych spraŭ, pa asobnych pytańniach — uradam budzie ŭzmocnieny, — zajaviŭ Łukašenka. — Usie vy prasili pieradačy vialikich paŭnamoctvaŭ — vy ich atrymajecie, u tym liku i parłamient».
Kiraŭnikom zamiežnapalityčnaha viedamstva pryznačany pieršy namieśnik kiraŭnika Administracyi Maksim Ryžankoŭ.
«Adzinaje, chaču papiaredzić: Ryžankova asabliva tudy-siudy haniać biessensoŭna. I nie tolki tamu, što čałaviek faktyčna padparadkavany prezidentu, ale jašče i tamu, što ŭ jaho ŭ charaktary hetaha niama, kab im panukali. Ale kantrol pavinien być: akuratny, sumlenny, prystojny. Davajcie paraimsia pierad pryznačeńniem pasłoŭ (abmiarkujuć na kamisii) i inšaje, inšaje, inšaje. Sapraŭdy tak my budziem pastupać jašče i pa ministrach, i inšych słužbovych asob», — adznačyŭ Alaksandr Łukašenka
Ciapier čytajuć
Łukašenka zajaviŭ pra hatoŭnaść pryjechać u Kijeŭ69
Kamientary