Bližej da siaredziny nastupnaha tydnia śpiakota pastupova pojdzie na spad, tempieratura pavietra ŭ bolšaści rajonaŭ panizicca da kamfortnych značeńniaŭ. Razam z tym atmaśfiera nad Biełaruśsiu stanie vielmi niaŭstojlivaj, budzie vialikaja vierahodnaść daždžoŭ, navalnic i liŭniaŭ. Pra heta na ANT raskazaŭ sinoptyk Dźmitryj Rabaŭ.
U pačatku tydnia atmaśfiernymi pracesami budzie kiravać vobłaść vysokaha atmaśfiernaha cisku i chałodny atmaśfierny front, uśled za jakim pastupova pačnie pastupać bolš prachałodnaje, vilhotnaje pavietra. Pieramiennaja vobłačnaść, na bolšaj častcy terytoryi karotkačasovyja daždžy, mahčymy navalnicy.
Viecier zachodni, paŭnočna-zachodni, umierany. U načny i ranišni čas słaby tuman. Unačy ad +12 da +19°C, dniom u paniadziełak ad +25 da +31°C, u aŭtorak ad +19°C pa poŭnačy da +27°C pa paŭdniovym uschodzie.
U siaredzinie tydnia ŭ asnoŭnym u dzionnyja hadziny projduć karotkačasovyja daždžy, viecier umierany. Vilhotnaść da 70 pracentaŭ. Tempieratura nočču ad +11 da +17°C. U sieradu ad +19 da +24°C.
I, papiarednie, u pačatku druhoj pałovy tydnia Biełaruś zastaniecca va ŭładzie vilhotnych, niaŭstojlivych pavietranych mas. U bolšaści rajonaŭ čakajucca karotkačasovyja daždžy. Vilhotnaść da 70 pracentaŭ. Pad ranicu słabyja tumany. Unačy ad +12 da +17°C. Dniom u čaćvier i ŭ piatnicu +25…+29°C.
U pieršyja vychodnyja lipienia — pieramiennaja vobłačnaść, biez daždžoŭ i navalnic nie abydziecca. Unačy i ranicaj miescami tuman, bačnaść da paŭkiłamietra. Vilhotnaść da 80 pracentaŭ. Unačy ad +10 da +15°C, u siaredzinie dnia ŭ subotu +25…+30°C, u niadzielu +29…+32°C.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła9
Kamientary