«Ja ŭpieršyniu sutyknułasia z takoj surjoznaj traŭmaj». Sabalenka moža źniacca z Uimbłdona
Treciaja rakietka śvietu ź Biełarusi Aryna Sabalenka raspaviała pra traŭmu plača, z-za jakoj jana moža źniacca z Uimbłdona, jaki startuje 1 lipienia.
«Ja nazyvaju heta prosta traŭmaj plača — ale heta prablema ź vialikaj kruhłaj ciahlicaj. Heta vielmi redkaja i śpiecyfičnaja traŭma. Ja vielmi zasmučanaja», — kaža Sabalenka.
Pavodle jaje słoŭ, ciapier u jaje vialikija prablemy z padačaj — jana adčuvaje mocny bol.
«My prachodzili MRT, rabili ŭsio — šmat lačylisia i adnaŭlalisia. Ja ŭpieršyniu ŭ karjery sutyknułasia z takoj surjoznaj traŭmaj i zaraz prachodžu šmat praz što. Apošni miesiac atrymaŭsia dla mianie vielmi ciažkim. Hetulki roznych prablem sa zdaroŭjem. Vielmi nialohka zachoŭvać pazityŭ, pry hetym uśviedamlajučy, što adbyvajecca ŭ realnaści. Ale jak čałaviek, jaki apošnija miesiacy zmahajecca z roznymi vidami bolu, ja nie hublaju nadzieju», — skazała jana.
Raniej u Bierlinie Sabalenka ŭpieršyniu ŭ karjery nie dajhrała matč, źniaŭšysia padčas hulni.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary