Rasijskaha sienatara vinavaciać u zhvałtavańni masažystki. Historyja ćmianaja
Sienatara ad Kurskaj vobłaści abvinavacili ŭ zhvałtavańni. Zajavu na jaho napisaŭ muž dziaŭčyny, jakaja pajechała ź im katacca na jachcie.
Jak raspavioŭ mužčyna palicyjantam, jaho žonka pracuje masažystkaj u klinicy ŭ Leninhradskaj vobłaści. 21 červienia joj patelefanavaŭ jaje pastajanny klijent, sienatar Alaksandr Bryksin, i prapanavaŭ dziaŭčynie pryjechać u Maskvu dla «praviadzieńnia sieansaŭ masažu ŭ vadzie». Maŭlaŭ u Bryksina była apieracyja i jamu patrebien byŭ taki masaž dla adnaŭleńnia. Dziaŭčyna pahadziłasia i sienatar, nibyta, pieravioŭ joj zadatak u pamiery 50000 rasijskich rubloŭ (kala 570 dalaraŭ), raspaviadaje historyju «Baza».
Bryksin źniaŭ Irynie (imia źmieniena) numar u hateli «Mierkuryj». 22 čysła dziaŭčyna pryjechała ŭ Maskvu i pajšła z Bryksinym adznačyć jaje pryjezd. Paśla hetaha, pa słovach zajaŭnika, sienatar prapanavaŭ Irynie pakatacca na jaho jachcie.
Dalej, jak raspaviała žančyna mužu, Alaksandr pačaŭ nastojliva jaje macać i jana vyrašyła adsieści. Adnak, pa jaje słovach, Bryksin usio roŭna źniaŭ ź siabie i ź dziaŭčyny vopratku i ŭ ich adbyŭsia pałavy akt. Usio heta było, pa jaje słovach, suprać jaje voli.
Kala 20 viečara para viarnułasia z prahułki na jachcie i damoviłasia sustrecca na nastupnuju ranicu ŭ hateli «Piotr 1» dla sieansu masažu. Paśla masažu, pavodle słoŭ muža Iryny, Bryksin ź dziaŭčynaj padnialisia da jaho ŭ numar. Tam jon raspłaciŭsia za pasłuhu, paśla čaho dziaŭčyna zjechała ŭ Sankt-Pieciarburh.
Ci było nasamreč zhvałtavańnie ci nie ciapier vyśviatlajuć śledčyja.
Ciapier čytajuć
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?7
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4343
Kamientary