Radzina raić Łatušku i Azaravu: Pa-pieršaje, pakajciesia. Pa-druhoje, nie leźcie ŭ lidary
«Vy nie možacie prosta pa svaim maralnym stanie pretendavać na niejkaje lidarstva».
U novym vypusku videa-prajekta «Śviedki Łukašenki» na «Radyjo Svaboda» Natallu Radzinu spytali, jak jana stavicca da tych, chto pracavaŭ na režym dastatkova doŭha, ale ciapier znachodzicca ŭ apazicyi.
«Liču, što hetyja ludzi pavinny, pa-pieršaje, pakajacca. Jany pavinny ščyra skazać: «Ja pracavaŭ na hety režym, ja pamylaŭsia, ja byŭ saŭdzielnikam tych złačynstvaŭ, jakija rabiŭ hety režym», — adkazała Radzina.
Jana aburyłasia vypadkami, kali čałaviek apraŭdvajecca: «Heta ž nie ja kazaŭ, što niama ŭ Biełarusi palitviaźniaŭ, što nie treba sankcyj uvodzić, tamu što byŭ spačatku pasłom u adnoj krainie, potym pasłom u druhoj». Radzina ŭdakładniła, što maje na ŭvazie Paŭła Łatušku.
Alaksandru Azaravu Radzina pryhadała jaho pracu ŭ HUBAZiKu:
«My viedajem, što pracavaŭ vielmi žorstka ź niekatorymi katehoryjami biełaruskich hramadzian.
Tamu što jość śviedčańni ad biełaruskich dobraachvotnikaŭ, jakich jon presavaŭ, i ad rodnych hetych dobraachvotnikaŭ, i ad futbolnych fanataŭ, jakimi jon taksama zajmaŭsia».
«A zaraz jon taksama lezie ŭ palityku. «Lidar apazicyi» — što heta? Chto hetyja ludzi? Pa-pieršaje, pakajciesia. Pa-druhoje, nie leźcie ŭ lidary. Vy nie možacie prosta pa svaim maralnym stanie pretendavać na niejkaje lidarstva», —
vykazałasia Natalla Radzina.
Ciapier čytajuć
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB16
«Ja nie praduhledzieła tolki adnaho: što mienavita hety kružočak vykarystajuć suprać mianie». Spoviedź Aliny Charysavaj paśla skandału z KDB
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary