Радзіна раіць Латушку і Азараву: Па-першае, пакайцеся. Па-другое, не лезьце ў лідары
«Вы не можаце проста па сваім маральным стане прэтэндаваць на нейкае лідарства».
У новым выпуску відэа-праекта «Сведкі Лукашэнкі» на «Радыё Свабода» Наталлю Радзіну спыталі, як яна ставіцца да тых, хто працаваў на рэжым дастаткова доўга, але цяпер знаходзіцца ў апазіцыі.
«Лічу, што гэтыя людзі павінны, па-першае, пакаяцца. Яны павінны шчыра сказаць: «Я працаваў на гэты рэжым, я памыляўся, я быў саўдзельнікам тых злачынстваў, якія рабіў гэты рэжым», — адказала Радзіна.
Яна абурылася выпадкамі, калі чалавек апраўдваецца: «Гэта ж не я казаў, што няма ў Беларусі палітвязняў, што не трэба санкцый уводзіць, таму што быў спачатку паслом у адной краіне, потым паслом у другой». Радзіна ўдакладніла, што мае на ўвазе Паўла Латушку.
Аляксандру Азараву Радзіна прыгадала яго працу ў ГУБАЗіКу:
«Мы ведаем, што працаваў вельмі жорстка з некаторымі катэгорыямі беларускіх грамадзян.
Таму што ёсць сведчанні ад беларускіх добраахвотнікаў, якіх ён прэсаваў, і ад родных гэтых добраахвотнікаў, і ад футбольных фанатаў, якімі ён таксама займаўся».
«А зараз ён таксама лезе ў палітыку. «Лідар апазіцыі» — што гэта? Хто гэтыя людзі? Па-першае, пакайцеся. Па-другое, не лезьце ў лідары. Вы не можаце проста па сваім маральным стане прэтэндаваць на нейкае лідарства», —
выказалася Наталля Радзіна.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай10
Каментары