Samaja maładaja šmatdzietnaja maci Biełarusi raspaviała, ci płanuje naradžać jašče
Maryja Sincova z haradskoha pasiołka Uvaravičy Buda-Kašaloŭskaha rajona viadzie błoh u instahramie, dzie raspaviadaje pra svajo maciarynstva. A raspavieści sapraŭdy jość što: pieršy raz jana zaciažaryła ŭ 15 hadoŭ, a ciapier, u 20, maje ŭžo troch dziaciej.
Padpisčycy časta pytajucca ŭ błohierki, ci płanuje jana jašče naradžać.
— Nie. Ściopa naš apošni małyš. Ale ŭ mianie jość žadańnie dapamahčy dziaŭčatam, jakim składana zaciažaryć. Paśla zaviaršeńnia hrudnoha karmleńnia ja pajdu donaram jajcakletak. Ja nie razhladaju varyjant surahatnaha maciarynstva, tamu što naradžać ja bolš nie chaču. Usie surmamy — małajcy, ale ja, mabyć, nie zmahła b prosta addać dzicia. Tamu ciapier ja vyvučaju infarmacyju, razhladaju kliniki, što i jak dzie adbyvajecca. Adrazu kažu, što heta budzie razavaja akcyja.
Ciapier Maryja razam z mužam i dziećmi žyvie ŭ Homieli. Paśla taho, jak na historyju dziaŭčyny źviarnuli ŭvahu žurnalisty, jana sutyknułasia z chejtam. Šmat chto pisaŭ joj abraźlivyja kamientaryi. Ale maładaja maci reahuje na ich davoli spakojna.
Dziaŭčyna žartuje, što ŭ svaje 11 hadoŭ prasiła ŭ mamy siastryčku, ale taja naradziła brata: «Tamu ŭ 15 ja naradziła sabie dačku». Iranizuje jana i z taho, što byccam by płača, kali razumieje, što nie atrymajecca naradžać da piensii.
Maryja rastłumačyła, što, niahledziačy na dekretny adpačynak, jana ŭvieś čas pracuje. Jana mieniedžarka błohieraŭ, dapamahaje im pradavać rekłamu ŭ svaich błohach.
Ciapier čytajuć
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka4
Kamientary