Pamior dziejač biełaruskaj nacyjanalnaj mienšaści ŭ Polščy Chviedar Halonka
Jon pražyŭ bolš za 100 hadoŭ.
U Varšavie pamior Chviedar Halonka, šmathadovy dziejač biełaruskaj nacyjanalnaj mienšaści ŭ Polščy. Pradstaŭnik pakaleńnia, jakoje było la vytokaŭ biełaruskaha ruchu ŭ paślavajenny čas, paviedamlaje «Radyjo Racyja».
Staršynia Biełaruskaha sajuzu ŭ Polščy Jaŭhien Vapa, jaki paznajomiŭsia z Chviedaram Halonkam u 1980-ja, uspomniŭ «vobraznaść, humar i ironiju», jakaja była ŭłaścivaja niabožčyku.
«Jon užo byŭ znajomy mnie, jak asoba z Tydniovika biełarusaŭ Polščy «Niva». Jahonaja aktyŭnaść u Biełaruskim hramadska-kulturnym tavarystvie, mienavita varšaŭskaha adździełu, hurtka BHKT, była znajomaja. Čałaviek byŭ zavočna znajomy. Jon naradziŭsia niepadalok ad mianie — u Pasiečnikach Vialikich. Jon byŭ znajomy mnie jašče z pačatkovaj škoły, bo ja vučyŭsia ź jaho plamieńnikam. My siadzieli za adnoj partaj, śviatoj pamiaci Jasiem Halonkam, heta byŭ syn jaho brata. Tamu ja viedaŭ pra dziadźku, jaki taki važny i słaŭny ŭ Varšavie.
… Dla mianie heta toje pakaleńnie, toj čas kali jahonyja šyrokija kantakty ŭ śviecie dazvalali funkcyjanavać biełaruskamu adździełu ŭ zusim inšaj prastory. Viercham elehantnaści i prestyžnaści varšaŭskaha hurtka BHKT byli navahodnija bały pavodle pravasłaŭnaha stylu. Uvieś biełastocka-padlašski isteblišmient źjazdžaŭsia ŭ Varšavu, kab pabalavać u Pałacy kultury. Było vidać, što bał vyklikaje asablivuju cikavaść. Siarod tych, chto prychodziŭ, byli vajskoŭcy, lekary, jurysty, pracaŭniki vysokich viedamstvaŭ», — skazaŭ Jaŭhien Vapa.
Chviedar Halonka, žyvučy ŭ Varšavie, admysłova šukaŭ žonku mienavita na Padlaššy, biełarusku, kab u siamji havaryć pa-biełarusku, u tym liku ź dziećmi.
Raźvitańnie adbudziecca 10 lipienia, u carkvie śviatoha Jana Klimaka, pa vulicy Volskaj u Varšavie. Pachavajuć Chviedara Halonku na pravasłaŭnych mohiłkach pobač.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary