Siabru Biełaruskaha sajuza mastakoŭ, Biełaruskaha sajuza dyzajnieraŭ i Mižnarodnaj asacyjacyi dyzajnieraŭ, daradcu Biełaruskaj akademii architektury było 83 hady.
Leanid Dziahileŭ naradziŭsia 15 vieraśnia 1940 hoda ŭ Sasnoŭcy pad Viciebskam. Skončyŭ Viciebskaje mastacka-hrafičnaje piedahahičnaje vučylišča, jaho nastaŭnikam staŭ viadomy mastak Valancin Dziežyc.
Taksama skončyŭ Leninhradskaje vyšejšaje mastacka-pramysłovaje vučylišča imia Muchinaj, a taksama Instytut mastactvaznaŭstva, etnahrafii i falkłoru Akademii navuk Biełarusi. Z 1984 hoda pracavaŭ u Biełaruskim teatralna-mastackim instytucie, u roznyja hady byŭ prarektaram pa navukovaj rabocie, prafiesaram kafiedry, dacentam hetaj VNU.
Akramia taho, uznačalvaŭ kafiedru dyzajnu ŭ Instytucie sučasnych viedaŭ, dzie studenty vučylisia adrazu pa dvuch napramkach: dyzajn pradmietna-prastoravaha asiarodździa i dyzajn virtualnaha asiarodździa. Vučniami Leanida Dziahileva źjaŭlajucca mnohija viadučyja mastaki i dyzajniery Biełarusi.
Nie adzin hod zajmaŭsia prajektavańniem interjeraŭ znakavych abjektaŭ Viciebščyny. U pryvatnaści, afarmlaŭ miemaryjalny muziej Minaja Šmyrova, interjer kinateatra «Biełaruś», Dom kultury ŭ Rasonach dy inš., pišuć Minsk-naviny.
Za čas svajoj dziejnaści Ł.Dziahileŭ sprabavaŭ siabie ŭ roznych śfierach. Źjaŭlaŭsia paśpiachovym ajčynnym mastakom-hrafikam, piedahoham Vyšejšaj škoły, mastactvaznaŭcam i ekadyzajnieram.
Akramia taho, vystupaŭ u jakaści mastactvaznaŭcy i ekspadyzajniera. Apublikavaŭ šerah artykułaŭ pa prablemach sintezu mastactvaŭ u architektury, byŭ aŭtaram navučalnaha dapamožnika dla VNU «Prajektavańnie interjeraŭ indyvidualnaha žyłoha doma».
Dziakujučy namahańniam Leanida Jaŭsiejeviča ŭ Biełarusi była pašyrana sietka siarednich mastackich navučalnych ustanoŭ pa kožnym napramku, stvorana Minskaja himnazija-kaledž mastactvaŭ na bazie siaredniaj škoły z mastackim uchiłam.
Pracujučy dyrektaram dyrekcyi mastackich vystaŭ Ministerstva kultury Biełarusi, jon arhanizavaŭ bolš za sotniu pierasoŭnych vystaŭ biełaruskich mastakoŭ. Na asnovie fondaŭ žyvapisnych, skulpturnych, hrafičnych rabot i tvoraŭ dekaratyŭna-prykładnoha mastactva stvorany Muziej sučasnaha vyjaŭlenčaha mastactva.
Adpiavańnie adbudziecca 2 lipienia ŭ carkvie vioski Tarasava Minskaha rajona.
Ciapier čytajuć
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»16
Łukašenka daručyŭ Kubrakovu razabracca z tymi, chto pje kavu na AZS, i navieści tam «žalezny paradak»
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3636
Kamientary