Miarkujučy pa zadačach urada, za 2011 hod zamiežny doŭh moža vyraści navat da 30 miljardaŭ dalaraŭ.
Na pieradvybarny hod Łukašenka pastaviŭ pierad uradam zadaču zabiaśpiečyć 11-pracentavy rost ekanomiki i pavysić zarobki 40%, da 500 dalaraŭ. Pry zvyčajnaj ekanamičnaj palitycy takoje niemahčyma. Tamu premjer-ministra Biełarusi Sidorski pryznaŭ, što dla jaje vykanańnia krainie pryjdziecca «pryciahnuć zamiežnyja inviestycyi». Dadamo: nie tolki inviestycyi, ale i kredyty.
Padobna, što ŭ 2010 hodzie zamiežnaja zapazyčanaść krainy budzie raści rekordnymi tempami. Pra heta śviedčyć rost apietytaŭ urada.
Letaś viałasia havorka ab pryciahnieńni $5,7 młrd inviestycyj z Kitaja. Učora ŭ Homieli Sidorski zajaŭlaje ŭžo ab 10 młrd!
Varta adznačyć, što ahulnaja zamiežnaja zapazyčanaść Biełaruś vyrasła z 5,1 młrd na pačatak 2006 hoda da prykładna 21 młrd na pačatak 2010 hoda. Pryčym za adzin 2009 hod jana vyrasła na 6 miljardaŭ. Miarkujučy pa «zadačach» urada, za 2011 hod zamiežny doŭh moža vyraści rekordna i dasiahnuć navat 30 miljardaŭ dalaraŭ.
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»9
Kamientary