«Paprasili pamianiać łožak, bo mieŭ zvyčku spać u vialikaj žanočaj kampanii». Jak Kim Ir Sen pryjazdžaŭ u BSSR
Zasnavalnik KNDR pryjazdžaŭ u Biełaruś 40 hadoŭ tamu, u 1984 hodzie. Pra vizit i toje, što hetamu papiaredničała, raskazaŭ u svaim telehram-kanale «Puls Lenina-19» były dypłamat Pavieł Macukievič.
Kim Ir Sen kiravaŭ Paŭnočnaj Karejaj amal 50 hadoŭ (1945—1994), pamior za dva dni da abrańnia Łukašenki prezidentam, 8 lipienia 1994 hoda. Jamu było 82 hady. U krainie była abvieščana trochhadovaja žałoba.
U BSSR jon pryjazdžaŭ u mai 1984 hoda jašče poŭny sił.
«Siakija-takija z darožnych zvyčak Kim Ir Sena vidavočna pierajšli ŭ spadčynu jahonamu ŭnuku Kim Čen Ynu. Naprykład, luboŭ da bronieciahnika», — piša Pavieł Macukievič.
«U nas było svajo MZS i dypłamaty, ale nie było ŭłasnaj zamiežnaj palityki i stasunkaŭ z zamiežnymi krainami. Usio heta źjaŭlałasia prerahatyvaj SSSR.
I voś u pačatku maja 1984-ha z pratakolnaha adździeła sajuznaha MZS u Minsk pryjšła infarmacyja, što ŭ SSSR z aficyjnym vizitam prybudzie delehacyja KNDR na čale ź jaje lidaram. Mierkavałasia, što paśla mierapryjemstvaŭ u Maskvie jana naviedaje Minsk i Brest, adkul potym adpravicca dalej u Polšču.
Praz tydzień paśla hetaha paviedamleńnia ŭ Minsk prybyła pieradavaja hrupa paŭnočnakarejcaŭ pa padrychtoŭcy znachodžańnia ŭ BSSR prezidenta KNDR. Jaje ŭznačalvaŭ pasoł Paŭnočnaj Karei ŭ SSSR Kvon Chi Hienam. Tady ž stała viadoma, što Kim Ir Sena buduć supravadžać kala 150 asob.
Pieradavaja hrupa abjechała ŭsie abjekty, jakija pavinien byŭ naviedać lidar KNDR, i pa vynikach supierpilnaha ahladu vykazała niekalki aryhinalnych zaŭvah.
Hości, u pryvatnaści, paprasili «prybrać prystupku na Pryvakzalnaj płoščy», kab pazbavić zasnavalnika KNDR ad lišnich ruchaŭ cieła paśla vychadu z bronieciahnika na pieron.
Nastupnaja prośba tyčyłasia lifta ŭ rezidencyi «Zasłaŭje» — treba było zrabić tak, kab jon mienš šumieŭ i bolš płaŭna spyniaŭsia.
Narešcie, karejcy pažadali inšy łožak dla svajho pravadyra — vialikaha pamieru z prakładkaj płasta faniery pad miakkim matracam.
Pieršyja dźvie prośby byli lohka zadavoleny, a voś nakont łožka pryjšłosia karejcam paniervavacca, a Minsku dobra napružycca, a ŭsio z-za jaho niestandartnaha pamieru i ścisłych terminaŭ na vyrab.
Łožak patrebien byŭ haściam mienavita taki niestandartny i nijaki inšy: jak vyśvietliłasia paźniej, Kim Ir Sen mieŭ zvyčku spać u vialikaj žanočaj kampanii, ale nie dziela ŭciech, a dziela ciepłyni, a taksama ŭ metach achovy, mabyć».
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy31
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje8
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary