Kolki sioleta kaštuje zrabić viasielle ŭ Minsku? Realnyja ličby ad tych, chto niadaŭna schadziŭ u ZAHS

Pra traty na viasielle mnohija biełarusy raskazvajuć u tyktoku.

Arhanizatarka viasiellaŭ Lesia Sierada ŭ svaim akaŭncie raskazvała pra siaredniuju canu viasiella ŭ Minsku ci pobač sa stalicaj u žniŭni 2024 hoda. Dziaŭčyna raźličvała košt śviata na 50 haściej, jakoje projdzie ŭ subotu (zrazumieła, što heta daražej, čym u budni, ale bolš zručna dla haściej).

Suma, jakaja atrymałasia ŭ arhanizatarki, nie moža nie ŭrazić — 15710 dalaraŭ.

Samymi darahimi ŭ śpisie byli arenda placoŭki (3 tysiačy dalaraŭ), kiejterynh (2860 dalaraŭ) i dekor (1500 dalaraŭ). Na vobrazy niaviesty i žanicha jana zakłała pa 750 i 550 dalaraŭ adpaviedna (plus dadatkova arhanizatarka paličyła pracu stylista — 200 dalaraŭ), na piarścionki — 500 dalaraŭ.

Akramia pracy fatohrafa (600 dalaraŭ) i videamiejkiera (700 dalaraŭ), u sumu uklučana praca ryłśmiejkiera — taho, chto zdymaje videa dla instahrama (200 dalaraŭ). Cyrymonijmajstar, viadučy, dydžej i kavier-bend u raźlikach sumarna paciahnuli na 1600 dalaraŭ. Svaju pracu arhanizatarka acaniła ŭ 500 dalaraŭ.

Svajo apytańnie na vulicy pravioŭ tyktok-błohier Siarhiej Svat. Jon pacikaviŭsia ŭ maładych ludziej u viasielnych strojach, kolki kaštuje ich śviata.

— U nas kamiernaje viasielle na 14 čałaviek, biez čahości tam supier, — adkazała pieršaja para. — Patracili kala 3-4 tysiač dalaraŭ.

— Doraha, — pryznałasia inšaja niaviesta. — Prykładna 8 tysiač dalaraŭ. Heta vielmi ścipła kali rabić. Budzie 50 haściej u restaranie ŭ Minsku.

— Samaje minimalnaje — 2 tysiačy dalaraŭ, — skazała treciaja para. — U Minsku ŭ restaranie za hetyja hrošy možna pasiadzieć.

Čaćviortyja zakachanyja taksama rabili, pa ich słovach, «mikra-viasielle».

— Nas usiaho šeść čałaviek, i heta prykładna atrymlivajecca 6-7 tysiač.

Piataja niaviesta maryła pra viasielle ŭ italjanskim styli na pryrodzie z samymi blizkimi:

— Mabyć, minimum 10 tysiač dalaraŭ na heta treba.

Watch on TikTok

Dziaŭčyna, jakaja viadzie tyktok pad nikam _1kriska3_, raskazała ŭ błohu, što jana z kachanym patraciła na viasielle 1970 dalaraŭ. Restaran na 16 čałaviek paciahnuŭ prykładna na 630 dalaraŭ. Vobraz niaviesty abyšoŭsia ŭ 350 dalaraŭ, žanicha — 220. Za piarścionki addali 545 dalaraŭ.

Pra svaje traty na viasielle raspaviała i minskaja błohierka pad nikam akiiiiiiiiv. Ahułam jana z žanichom patraciła ŭsiaho 624 dalary. Ale treba adznačyć, što śviatkavała para tolki ŭdvaich.

Pavialičyć

Vobraz niaviesty kaštavaŭ 216 dalaraŭ, žanicha — kala sotni. Fatohrafu za paŭtary hadziny pracy zapłacili 100 dalaraŭ. Na śviatočny abied maładyja ludzi pajšli ŭ Mak.by (były «Makdonalds») i pakinuli tam 40 rubloŭ. A jašče jany arandavali numar u hateli za 550 rubloŭ (u hetu sumu ŭvachodziła naviedvańnie SPA, a taksama śniadanak i viačera).

• 0
• 2
• 2
• 0
• 4
• 0
• 0
• 0