The New York Times sa spasyłkaj na troch iranskich čynoŭnikaŭ paviedamlaje, što iranski Viarchoŭny lidar ajatała Ali Chamienei na pasiadžeńni Najvyšejšaha savieta nacyjanalnaj biaśpieki Irana addaŭ zahad nanieści ŭdar pa Izraili.
Udar maje być adkazam na zabojstva adnaho ź lidaraŭ hrupoŭki CHAMAS Ismaiła Chanii.
Kiraŭnik Palitbiuro CHAMAS Ismaił Chanija byŭ zabity ŭ Tehieranie 31 lipienia. Pavodle infarmacyi Al-Arabiya, jon zahinuŭ u vyniku pramoha trapleńnia izrailskaj rakiety ŭ budynak, dzie hety dziejač spyniaŭsia na noč.
Pa źviestkach izrailskich ŚMI, charaktar čakanaha adkazu vyhladaje pakul ćmianym, ale adnym z razhladanych varyjantaŭ źjaŭlajecca spałučeńnie rakiet i BPŁA — jak i ŭ vypadku z anałahičnaj atakaj u krasaviku.
Padčas toj ataki iranskija vajskoŭcy vypuścili 120 balistyčnych i 30 kryłatych rakiet, a taksama bolš za 170 bieśpiłotnikaŭ. Udar praciahvaŭsia bolš za piać hadzin. CACHAŁ tady zajaviŭ, što pierachapiŭ 99% dronaŭ i rakiet.
«Chiezbała» paviedamiła pra hatoŭnaść pačać vajnu suprać Izraila paśla zabojstva Ismaiła Chanii
Iran, Turcyja, chusity i «Chiezbała» pahražajuć Izrailu paśla zabojstva lidara CHAMAS
Machmud Abas paśla likvidacyi lidara CHAMAS zaklikaŭ paleścincaŭ da adzinstva
Novy prezident Irana pryniaŭ prysiahu pad skandavańnie «Śmierć Amierycy i Izrailu»
U Tehieranie źniščyli lidara CHAMAS Ismaiła Chaniju
Kamientary