Rasijskija eks-palitźniavolenyja, adpraŭlenyja ŭ Hiermaniju, tak i nie źjavilisia na publicy
Samalot z tureckaj Ankary, na borcie jakoha, jak paviedamlałasia, znachodzilisia vyzvalenyja pa abmienu byłyja rasijskija palitźniavolenyja plus asudžany i pamiłavany ŭ Biełarusi niemiec Ryka Kryhier, poźnim viečaram 1 žniŭnia prylacieŭ u niamiecki Kioln. Ale pasažyry samalota na publicy tak i nie źjavilisia, choć kala aeraporta vyzvalenych rasijan čakali, dy tak i nie dačakalisia ich paplečniki. Vydańnie Sota zaŭvažyła va ŭsim hetym niekalki vielmi dziŭnych supadzieńniaŭ.
Pa źviestkach, jakija ŭdałosia zdabyć rasijskim ŚMI ź nieaficyjnych krynic, usie, chto prylacieŭ u Hiermaniju, adpraŭlenyja da niadzieli ŭ miedycynskuju ŭstanovu na karancin, ale z čym jon źviazany — nieviadoma.
Kancler Hiermanii Ołaf Šolc paviedamiŭ u sacsietcy X, što mnohija z byłych viaźniaŭ sumleńnia, što prybyli ŭ Hiermaniju, «u praciahłych hutarkach» kazali jamu, «što navat nie spadziavalisia na vyzvaleńnie».
Ale ni fota, ni videa Šolc nie pakazaŭ, a da zdymak jahonaj pres-kanfierencyi byli dapuščanyja tolki žurnalisty ŭłasnaha puła.
Kali stała viadoma, što vyzvalenyja pavinny prylacieć nie ŭ Bierlin, pra što raniej paviedamlała krynica Sota, a ŭ Kioln, u jahonym aeraporcie byli admienienyja pryloty ź Bierlina. Taksama ź Bierlina da Kiolna niemahčyma było dabracca i ciahnikom z-za zatrymak i admien, jakija pačalisia jašče z ranicy.
Rasijskaja FSB u svaich rolikach pakazvała vyzvaleńnie tolki zamiežnych hramadzian, a na fota ŭ tvitary Bajdena, na jakim vyjaŭlenyja troje vyzvalenych u amierykanskim samalocie, adsutničaŭ Uładzimir Kara-Murza, pra jakoha raniej Bieły dom paviedamiŭ, što jon taksama lacić u ZŠA.
Takim čynam, robić vysnovu vydańnie, los palitviaźniaŭ-rasijan na hety momant zastajecca nieviadomym, bo nichto z asob, nie źviazanych napramuju z abmienam, ich pakul nie bačyŭ.
Samalot z byłymi źniavolenymi rasijskich turmaŭ i Ryka Kryhieram pryziamliŭsia ŭ Kiolnie
Donald Tramp žorstka raskrytykavaŭ praviedzieny abmien źniavolenymi
Łukašenka z Kryhieram sieŭ u łužynu. A sens vyzvaleńnia rasijskich palitviaźniaŭ voś u čym
Pucin asabista sustreŭ svaich vyzvalenych ahientaŭ u maskoŭskim aeraporcie
Kali b Navalny byŭ žyvy, jon byŭ by siarod abmienienych — Bieły dom
Źjaviłasia rasijskaje VIDEA, jak źniavolenych viazuć na abmien
Abmien źniavolenymi zaviaršyŭsia, u im uziali ŭdzieł 26 čałaviek
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU11
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary