Biełarus, jaki vyjhraŭ 200 tysiač rubloŭ u hulni «Udača v pridaču!», jakuju pravodzić sietka «Jeŭraopt», nie vyjšaŭ ź jaje arhanizatarami na suviaź navat praź niekalki dzion paśla rozyhryšu.
Hałoŭny pryz u 200 tysiač rubloŭ, jaki razyhrali 6 žniŭnia dastaŭsia adnamu mužčynu, ale paśla praviadzieńnia rozyhryšu na suviaź z arhanizatarami hulni jon tak i nie vyjšaŭ.
Arhanizatary adznačajuć, što takoje adbyvajecca ŭpieršyniu.
«Biezumoŭna, nie zaŭsiody ŭdajecca datelefanavacca da pieramožcaŭ u žyvym efiry rozyhryšu. Adnak padobnaj situacyi, kab navat praź niekalki sutak hałoŭny pieramožca tak i nie abjaviŭsia, u nas jašče nie było», — pryznajuć jany.
Za raniejšy čas praviadzieńnia hulni niezvyčajnyja vypadki taksama adbyvalisia. U pryvatnaści, pieramožcy daviedvalisia pra vyjhryš supierpryzoŭ za rulom tralejbusa, na rybałcy, u trenažornaj zale, na kurorcie i navat u balnicy. A ŭ 2017 hodzie aŭtamabil vyjhraŭ chłopiec, jaki ŭ momant rozyhryšu znachodziŭsia ŭ SIZA pa padazreńni va ŭhonie mašyny.
Zhodna z praviłami, uładalnikam supierpryzoŭ u 193-m tury treba da 4 vieraśnia 2024 hoda padać arhanizataram asabistyja danyja i ŭsiu nieabchodnuju infarmacyju dla atrymańnia vyjhryšu. U advarotnym vypadku pryz piarojdzie ŭładalniku reziervovaha koda, jaki idzie nastupnym za vyjhryšnym i naležyć inšamu ŭdzielniku.
Źjavicca novaja elektronnaja łatareja, vypuskać budzie pradpryjemstva na čale z byłym achoŭnikam Łukašenki
26-hadovaja palašučka za šeść miesiacaŭ zrabiła 42 tysiačy stavak u anłajn-kazino
Pieramožcam konkursu na najlepšy zdymak nasiakomych stała fatahrafija pčoł-ziaziul, što zajmajucca rełaksam FOTAFAKT
Kamientary