Беларус, які выйграў 200 тысяч рублёў у гульні «Удача в придачу!», якую праводзіць сетка «Еўраопт», не выйшаў з яе арганізатарамі на сувязь нават праз некалькі дзён пасля розыгрышу.
Галоўны прыз у 200 тысяч рублёў, які разыгралі 6 жніўня дастаўся аднаму мужчыну, але пасля правядзення розыгрышу на сувязь з арганізатарамі гульні ён так і не выйшаў.
Арганізатары адзначаюць, што такое адбываецца ўпершыню.
«Безумоўна, не заўсёды ўдаецца датэлефанавацца да пераможцаў у жывым эфіры розыгрышу. Аднак падобнай сітуацыі, каб нават праз некалькі сутак галоўны пераможца так і не аб'явіўся, у нас яшчэ не было», — прызнаюць яны.
За ранейшы час правядзення гульні незвычайныя выпадкі таксама адбываліся. У прыватнасці, пераможцы даведваліся пра выйгрыш суперпрызоў за рулём тралейбуса, на рыбалцы, у трэнажорнай зале, на курорце і нават у бальніцы. А ў 2017 годзе аўтамабіль выйграў хлопец, які ў момант розыгрышу знаходзіўся ў СІЗА па падазрэнні ва ўгоне машыны.
Згодна з правіламі, уладальнікам суперпрызоў у 193-м туры трэба да 4 верасня 2024 года падаць арганізатарам асабістыя даныя і ўсю неабходную інфармацыю для атрымання выйгрышу. У адваротным выпадку прыз пяройдзе ўладальніку рэзервовага кода, які ідзе наступным за выйгрышным і належыць іншаму ўдзельніку.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос26
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары