Ci stanie raźmietka na darohach bolš tryvałaj i jak buduć apracoŭvać darohi zimoju
«Suśvietny dośvied pakazaŭ, što lepš za chłaryd natryju ničoha niama».
Na pytańni pra raźmietku i sumiesi dla adpracoŭki daroh zimoj padčas pres-kanfierencyi adkazaŭ načalnik upraŭleńnia praviadzieńnia rabot i ŭtrymańnia darožnaj sietki «Minskaŭtador-Centr», jaki absłuhoŭvaje darohi Minskaj vobłaści, Dźmitryj Dziemidovič.
Ci stanie raźmietka na darohach bolš daŭhaviečnaj
Harantyjny termin ekspłuatacyi haryzantalnaj raźmietki, naniesienaj emalami, składaje nie bolš za šeść miesiacaŭ — pry intensiŭnaści ruchu da 10 tysiač aŭtamabilaŭ u sutki.
Dziemidovič adznačyŭ, što praktyčna na ŭsich vyjezdach ź Minska hety pakazčyk składaje bolš za 20 tysiač aŭtamabilaŭ u sutki. A ŭ samoj stalicy na pieršaj kalcavoj niejak była zafiksavana intensiŭnaść 137 tysiač aŭtamabilaŭ za sutki.
Śpiecyjalist adznačaje, što darožniki nie spraŭlajucca ź vialikim abjomam rabot:
«Pytańnie ŭ tym, što heta vielmi značny abjom pracy. Kab raźmiecić usiu našu sietku, u nas na pradpryjemstvie dzieviać raźmietačnych mašyn, i my paśpiavajem rabić raźmietku raz u hod. Kab abnaŭlać raźmietku dva razy na hod, treba pavialičvać kolkaść asabovaha składu i techniki abo pierachodzić na inšyja materyjały».
Ciapier jość roznyja materyjały dla raźmietki. Pry vykarystańni chałodnaha płastyka harantyjny termin pavialičvajecca da 2 hadoŭ u zaležnaści ad jaho taŭščyni. Vykarystańnie haračych płastykaŭ pavialičyć termin słužby raźmietki da 4 hadoŭ.
Ale vykanańnie rabot z vykarystańniem chałodnaha płastyku ŭ 2,5 razu daražej, čym rabot z vykarystańniem emalaŭ, z haračym — u 3-4 razy.
Płastyk dla darožnaj raźmietki ŭžo vykarystoŭvajecca ŭ Minsku kali adbyvajecca zamiena słajoŭ darožnaha pakryćcia, i harantyjny termin ekspłuatacyi novaha składaje 4-5 hadoŭ.
Pavodle słoŭ Dziemidoviča, źmiena składu emalaŭ moža pavialičyć termin słužby raźmietki maksimum da 8 miesiacaŭ, ale pry hetym značna ŭzraście košt rabot.
Sioleta na asobnych učastkach daroh z roznaj intensiŭnaściu ruchu budzie naniesiena raźmietka z vykarystańniem emalaŭ roznych vytvorcaŭ z novym składam i bolš praciahłym terminam słužby. Zatym navukoŭcy BiełdarNDI praanalizujuć vyniki i prymuć rašeńnie.
Ci buduć vykarystoŭvać novyja reahienty dla daroh zimoju
Što da novych reahientaŭ dla apracoŭki daroh zimoj, to Dziemidovič razvažaje: a ci hatovy padatkapłacielščyki płacić bolš?
Śpiecyjalist adznačyŭ, što chłorysty kalcyj, jaki vykarystoŭvajuć u Rasii, razam z dastaŭkaj u Biełaruś budzie kaštavać u vosiem razoŭ bolš. Ale treba taksama ŭličvać, što hety materyjał vielmi patrabavalny da normy raźmierkavańnia i tempieratury pavietra.
«Kali vy nie ŭhadali normu i tempieratura na adzin-dva hradusy nižejšaja za tuju, što vy prahnazavali, to jon pačynaje pracavać, ale potym usio znoŭ zamiarzaje», — tłumačyć Dziemidovič i zaŭvažaje, što z chłorystym natryjem, jakim apracoŭvajuć darohi Biełarusi, takoha nie adbyvajecca.
Što tyčycca kamiennaj kroški, to, jak śćviardžaje śpiecyjalist, u skandynaŭskich krainach, jakija ŭ asnoŭnym jaje vykarystoŭvajuć, «pazabivała ŭsiu liŭnievuju kanalizacyju».
«Suśvietny dośvied pakazaŭ, što lepš za chłaryd natryju ničoha niama», — zapeŭniŭ śpiecyjalist.
Dziemidovič nie admaŭlaje, što vykarystańnie piasčana-salavych sumiesiej upłyvaje na ekałohiju, ale «biełaruski spažyviec choča bačyć darožnaje pakryćcio zaŭsiody čornym, čystym, bieź śniehu i jechać z chutkaściu 120 kiłamietraŭ na hadzinu».
Kali ž havaryć pra dośvied skandynaŭskich krain, to tam inšyja patrabavańni. Zimoju na trasach uvodziacca abmiežavańni chutkaści da 80 kiłamietraŭ u hadzinu, roznyja patrabavańni da stanu darožnaha pakryćcia ŭ dzionny i načny čas, u vychodnyja dni.
«Tamu jany i raschodujuć reahientaŭ mienš i mienšy cisk na ekałohiju», — zaŭvažaje Dziemidovič.
Ciapier čytajuć
«Stajać na svaim, kožny nakolki moža!» Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii10
Kamientary
Zhodzien, što našyja ludzm majuć vysokija čakańni ad kamunylnikaŭ. A heta našaja narodnaje "zdaryłasia dtz z-za darožnikaŭ" hučyć niejak infantylna. Śnieh vypaŭ - kudy ty laciš? Ale, heta napeŭna źviazana z postsavieckaj traŭmaj: byccam hetyja słužby ŭsie niečym vinnyja hetamu niebarakie. Samomu prybrać śnieh kala asabistaj mašyny - achvieravańnie blizkaje z hieraizmam: ja prybraŭ, a siuda inšy kiroŭca ŭviečary zaparkujecca)))