Alaksandr Łukašenka 23 žniŭnia padpisaŭ ukaz № 333 «Ab asablivaściach pracy z majomaściu niepłaciežazdolnych arhanizacyj».
Dakumient, jak paviedamlajecca, sprościć paradak adčužeńnia i dziaržrehistracyi cełych pradpryjemstvaŭ, a taksama roznaj majomaści (kapitalnych budynkaŭ, izalavanych pamiaškańniaŭ, niezavieršanych kapitalnych budynkaŭ, mašyna-miescaŭ) u pracedurach konkursnaj vytvorčaści, sanacyi i likvidacyjnaj vytvorčaści niepłaciežazdolnych arhanizacyj.
Dla chutčejšaha ŭklučeńnia padobnych abjektaŭ u haspadarčy abarot ich dazvolili adčužać albo pieradavać biez pravapaćviardžalnych dakumientaŭ i kansiervacyi niezavieršanych kapitalnych budynkaŭ. Akramia taho, ciapier nie spatrebicca padavać techničnuju dakumientacyju, kali majomaść padlahaje znosu.
Rehistravać abjekty, jakija źmianili ŭłaśnika, dahavory kupli-prodažu na ich, a taksama ŭźniknieńnie pravoŭ albo abmiežavańniaŭ pravoŭ na ich buduć pa zajavie pakupnika, kredytora albo prymajučaj arhanizacyi.
Pakupniki padobnych abjektaŭ, akramia tych, što padlahajuć znosu, atrymajuć taksama niezarehistravanyja ziamielnyja ŭčastki, na jakich tyja raźmieščany.
Akramia hetaha, ukaz vyznačaje miechanizm finansavańnia raschodaŭ pa pieradačy takich abjektaŭ u dziaržaŭnuju ułasnaść.
Ciapier čytajuć
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava2
Kamientary