Łukašenka zajaviŭ, što razvaročvaje krainu z Zachadu na Uschod, a jamu prapanujuć vajavać z Ukrainaj suprać Rasii
«Biełaruś žyvie ŭ vielmi ciažki pieryjad, pytańnie «abo — abo». Ab hetym Alaksandr Łukašenka zajaviŭ na Respublikanskaj piedahahičnaj naradzie, pieradaje BIEŁTA.
«My žyviom u najskładany čas. Ja nie kažu pra toje, što na poŭdni ŭ nas vajna idzie. Što hetyja šalonyja na Zachadzie rychtujuć suprać nas. My pavinny heta trymać u poli zroku. Što nam treba ŭ hetaj situacyi — krainu, machinu hetuju (maleńkaja Biełaruś — jana nie takaja maleńkaja, kali zajmaješsia joju ŭ cełym), raźviarnuć z Zachadu na Uschod. Kraina žyvie ŭ vielmi ciažki pieryjad, pytańnie «abo — abo», — skazaŭ jon.
Padrabiaznaści składanaściaŭ ad Łukašenki hučali zahadkava:
«Nam zaraz rajać, padkidvajuć z boku (na mianie ŭsio heta vylivajecca): «Davaj tut adstupi, tam vyzvali». Pačynajučy adsiul i zakančvajučy: «Dy pluń ty na hetuju Rasiju, dy adviarnisia ty ad hetaj Rasii.
Davaj budzieš vajavać z Ukrainaj suprać Rasii. A da toj miažy my vojski NATA pad Smalensk zaviadziem». Dachodzić i da hetaha.
Mnie siońnia ŭnosiać prapanovy z usich bakoŭ, jakija my pryniać nie možam na 99%. Tamu ja chaču, kab vy zrazumieli, u jakoj my abstanoŭcy, u jakoj situacyi žyviom. Heta ŭsio, što ja vam mahu skazać. I stolki ž ja skazać prosta siońnia nie mahu: usie astatnija pytańni — heta maje pytańni», — skazaŭ Łukašenka.
Chto mienavita daje jamu takija parady, jon tradycyjna nie patłumačyŭ.
U minułym zajavy Alaksandra Łukašenki niaredka nie vytrymlivali pravierki faktami.
U słovach «tam vyzvali» bačycca namiok na vyzvaleńnie palitviaźniaŭ, jakich pravaabaroncy viedajuć nie mienš za 1400, i heta biez uliku tych, chto adbyvaje pakarańnie ŭ formie chatniaj chimii.
Masavyja palityčnyja represii ŭ Biełarusi praciahvajucca z 2020 hoda, kali vybary supravadžalisia nierehistracyjaj i aryštami praciŭnikaŭ Łukašenki i naziralnikaŭ na vybarčych učastkach. Niahledziačy na heta, Alaksandr Łukašenka, miarkujučy sa źviestak z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhravaŭ Śviatłanie Cichanoŭskaj, ale nie addaŭ ułady.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Pa słovach hienieralnaha prakurora Andreja Švieda, pa stanie na kastryčnik 2023 hoda było zaviedziena bolš za 16 tysiač kryminalnych spraŭ «ekstremisckaj skiravanaści», heta značyć, palityčnaha charaktaru. Na siońnia hetaja ličba budzie jašče bolšaj.
Zhodna ź infarmacyjaj pradstaŭnika Abjadnanaha pierachodnaha kabinieta Paŭła Łatuški, z 2020 hoda represii zakranuli 136 tysiač čałaviek.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie7979
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie79
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1919
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch19
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary