Ramieśnikaŭ abaviažuć płacić unioski ŭ FSAN. Suma nie maleńkaja
Biełaruskich ramieśnikaŭ čakaje šerah źmien. Hałoŭnaja ź ich tyčycca adličeńniaŭ u Fond sacyjalnaj achovy nasielnictva. Pahladzieli, kolki treba budzie płacić i što jašče novaha čakać ramieśnikam.
Amal, jak u IP
Pakul ramieśniki robiać adličeńni ŭ FSAN pa žadańni. Ale z 1 kastryčnika heta stanie abaviazkam. Minimalnaja suma, jakuju ramieśniku treba budzie zapłacić, — 29% ad minimalnaha zarobku pa krainie. Na biahučy momant minimalny zarobak (MZP) składaje 626 rubloŭ, to-bok u FSAN ramieśniku treba budzie zapłacić minimum 181 rubiel 54 kapiejki.
Heta krychu mienš, čym u indyvidualnych pradprymalnikaŭ. Dla IP minimalnaja suma adličeńniaŭ FSAN raŭniajecca 35% ad MZP. Na siońniašni momant heta kala 220 rubloŭ u miesiac.
Akramia adlikaŭ u FSAN, ramieśniki musiać płacić ramiesny zbor, ale jaho staŭku možna nazvać simvaličnaj — usiaho 6,5 rubla miesiac ci 78 rubloŭ za hod.
Jakija jašče źmieny čakajuć ramieśnikaŭ?
Aproč hetaha, da 1 vieraśnia ŭrad musić zaćvierdzić novy śpis dazvolenych dla ramieśnikaŭ vidaŭ dziejnaści. Pačynajučy z 1 kastryčnika, rehistracyja novych ramieśnikaŭ budzie adbyvacca tolki ŭ vypadkach, kali abrany vid dziejnaści jość u abnoŭlenym śpisie.
Ciapier u hetym śpisie kala 30 vidaŭ dziejnaści, ale abnoŭleny śpis musić być bolš ścipłym. Ministr ekanomiki zajaŭlaŭ, što pieralik budzie skaročany.
Ministr tłumačyŭ, što ramiesnaja dziejnaść — heta pierš za ŭsio zachavańnie aŭtentyčnych, samabytnych ramiostvaŭ. Usio heta pavinna vyrablacca ramieśnikami svaimi rukami i z dapamohaj prymityŭnych pryład pracy.
«Nabirała vadu z unitaznaha bačka dla hatavańnia, myćcia». Hanna Bond ščyra raspaviała pra ciažkaje dziacinstva11
Kamientary
Rastłumačcie chto-niebudź hetamu łukašysckamu ministru łukašyskaj ekanomiki, što za zachavańnie aŭtentyčnych, samabytnych ramiostvaŭ dziaržava pavinna dapłačvać ramieśnikam, hranty dziaržaŭnyja vydavać. A nie treści ź ich apošnija hrošy.