Rasija kaardynavała ŭ Mali akt adpłaty suprać siemjaŭ paŭstancaŭ, datyčnych da ataki na vahnieraŭcaŭ
Kirujučaja ŭ Mali chunta naniesła avijaŭdar pa maleńkim horadzie, jaki znachodzicca pad kantrolem paŭstancaŭ, zahinuŭ 21 mirny žychar, u tym liku 11 dziaciej.
Pavodle źviestak miascovych ŚMI, bieśpiłotnik spačatku atakavaŭ adzinuju apteku ŭ Tynzuatenie, a kali miascovyja žychary sabralisia na miescy ŭdaru, dron nanios paŭtorny ŭdar, zabiŭšy jašče bolš ludziej. Hety avijaŭdar, ździejśnieny malijskaj chuntaj pa vioscy, kantralavanaj kaalicyjaj paŭstancaŭ CSP, jość tolki adnym z mnohich vajennych złačynstvaŭ u hetym rehijonie, ale jaho pieradhistoryja asabliva važnaja.
Jak stała viadoma BILD, heta była arhanizavanaja i ŭchvalenaja ŭ Maskvie akcyja pomsty za napad na najmitaŭ PVK «Vahnier» u tym ža rehijonie. 25 lipienia tam byli zabityja 84 rasijskija najmity — navat va Ukrainie jany nie hublali stolki ludziej za adzin dzień.
Rasija abvinavaciła hrupu, źviazanuju z «Al-Kaidaj» (JNIM), i Ukrainu ŭ arhanizacyi toj zasady. Adnak čałaviek, znajomy z apieracyjaj, abvierh hetuju zajavu i paviedamiŭ BILD, što heta «metanakiravanaja prapahanda».
Dla ažyćciaŭleńnia ataki adpłaty ŭ Tynzuatenie byŭ vykarystany turecki ŭdarny bieśpiłotnik Bayraktar TB-2, pierakinuty z Burkina-Faso ŭ susiedniaje Mali — bieź viedama Turcyi. BILD maje fatahrafii reštkaŭ bojeprypasaŭ, jakija paćviardžajuć heta śćviardžeńnie.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary