Palitviaźnia, jakoha raniej asudzili za łajk, znoŭku sudziać. Jamu pahražaje da 15 hadoŭ kałonii
U Bresckim abłasnym sudzie 2 vieraśnia raspačynajecca novy sud nad 41-hadovym palitviaźniavolenym rabočym z Baranavičaŭ Jaŭhienam Kładovym, jakoha ŭ listapadzie 2023 hoda asudzili da hoda źniavoleńnia za «abrazu Łukašenki», piša «Viasna».
Paśla adbyćcia pieršaha terminu mužčynu nie vyzvalili z kałonii, a zaviali novuju kryminalnuju spravu za dopisy i kamientary ŭ internecie pavodle šaści artykułaŭ Kryminalnaha kodeksu, u tym liku za «zakliki da sankcyjaŭ» i «arhanizacyju masavych biesparadkaŭ».
Pierad druhim sudom Jaŭhiena dadali ŭ «śpis terarystaŭ», tym samym abmiežavaŭšy ŭ hrašovych pieravodach. Spravu ŭ zakrytym režymie razhladaje Mikałaj Siańko.
Jaŭhiena sudziać pavodle niekalkich artykułaŭ Kryminalnaha kodeksa:
- č. 3 art. 361-1 (stvareńnie ekstremisckaha farmavańnia albo ŭdzieł u im);
- č. 1 art. 130 (raspalvańnie inšaj sacyjalnaj varožaści);
- č. 3 art. 361 (zakliki da zachadaŭ abmiežavalnaha charaktaru (sankcyjaŭ), inšych dziejańniaŭ, nakiravanych na škodu nacyjanalnaj biaśpiecy Respubliki Biełaruś);
- č. 1 art. 293 (arhanizacyja masavych biesparadkaŭ);
- art. 369 (abraza pradstaŭnika ŭłady);
- č. 1 art. 368 (abraza Łukašenki).
Miarkujučy pa artykułach, sprava tyčycca kamientaroŭ i dopisaŭ u internecie. Jaŭhienu pahražaje da 15 hadoŭ kałonii.
Pad vartaj palitviazień utrymlivajecca z 30 žniŭnia 2023 hoda. Sud Baranavickaha rajona i Baranavič 24 listapada 2023 hoda za łajk u Adnakłaśnikach pad karykaturami na Łukašenku pryznačyŭ hod kałonii va ŭmovach ahulnaha režymu. U «śpis terarystaŭ» Jaŭhiena ŭnieśli ŭ siaredzinie lipienia 2024 hoda.
«Siońnia hety kašmar možna spynić». Siastra Maryi Kaleśnikavaj zaklikała zabiaśpiečyć palitźniavolenaj nieabchodnaje charčavańnie
Bratu zasnavalnika EPAM Siamionu Dobkinu prysudzili 6,5 hoda strohaha režymu
Dziaŭčynu, jakaja vučyłasia ŭ Varšaŭskim univiersitecie i doŭhi čas žyła ŭ Polščy, aryštavali za dapamohu palitviaźniam
Ciapier čytajuć
Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać10
Kamientary