Uvahu internet-karystalnikaŭ pryciahnuŭ kanał u tyktoku, jaki nibyta viadzie miortvaja dziaŭčyna, a dakładniej, jaje ličbavy avatar. Akazałasia, błohierka «z taho śvietu» pakul z hetaha.
Čto, začiem i počiemu? #avatar #miertvyjavatar #heygen #art #pierfomans
Siońnia ŭ tyktoku źjaviłasia videa «pamierłaj» Nasty Kuźniacovaj. Akazałasia, što jaje zavuć Daša Śvistunova, i jana — aktorka, a błoh — jaje artpierformans, častka sacyjalnaha ekśpierymientu.
Daša kaža, što šukała mahčymaści pryciahnuć uvahu da pytańniaŭ, jakija tyčacca kožnaha čałavieka — jak sučasnyja technałohii mianiajuć usprymańnie pra žyćcio i śmierć, dzie zakančvajecca miaža realnaści i pačynajecca virtualnaść i što značyć pražyć žyćcio, kali hetaje žyćcio možna simulavać. Taksama sens pierformansu — pakazać, jak my vierym usiamu tamu, što bačym u internecie i jakija nastupstvy heta moža mieć.
«Ja dziakuju za vodhuki i padtrymku. Hety vopyt mianie šmat čamu navučyŭ, i ja spadziajusia, što jon prymusiŭ zadumacca i vas. I pamiatajcie, što mastactva zaŭsiody imkniecca zadavać pytańni i pravakavać na razvažańni. A maja meta jak aktrysy i mastaka — vykarystoŭvać roznyja formy mastactva, kab vyklikać emocyi i abmierkavańni, jakija dapamohuć nam zrazumieć samich siabie i śviet vakoł nas», — skazała Daša.
-
Rasija zakryła čyhunačnyja punkty propusku na miežach ź Finlandyjaj, Estonijaj i Łatvijaj. Pryčyna i namier pakul niajasnyja
-
Viarchoŭny sud ZŠA vyznačyŭ, što prava na hramadzianstva pa naradžeńni zastajecca ŭ sile. Jaho sprabavaŭ admianić Tramp
-
Samaje zasušlivaje miesca ŭ śviecie časam pieratvarajecca ŭ kvietkavy dyvan
Kamientary
Ciktokiery vyrašyli chajpanuć, zapisali rolik, a dalej jak pojdzie... Nie pajšło: fanaty paznali aktrysu. Pryjšłosia apraŭdvacca, šukać hłybokija sensy.