Увагу інтэрнэт-карыстальнікаў прыцягнуў канал у тыктоку, які нібыта вядзе мёртвая дзяўчына, а дакладней, яе лічбавы аватар. Аказалася, блогерка «з таго свету» пакуль з гэтага.
Что, зачем и почему? #аватар #мертвыйаватар #heygen #арт #перфоманс
Сёння ў тыктоку з’явілася відэа «памерлай» Насты Кузняцовай. Аказалася, што яе завуць Даша Свістунова, і яна — акторка, а блог — яе артперформанс, частка сацыяльнага эксперыменту.
Даша кажа, што шукала магчымасці прыцягнуць увагу да пытанняў, якія тычацца кожнага чалавека — як сучасныя тэхналогіі мяняюць успрыманне пра жыццё і смерць, дзе заканчваецца мяжа рэальнасці і пачынаецца віртуальнасць і што значыць пражыць жыццё, калі гэтае жыццё можна сімуляваць. Таксама сэнс перформансу — паказаць, як мы верым усяму таму, што бачым у інтэрнэце і якія наступствы гэта можа мець.
«Я дзякую за водгукі і падтрымку. Гэты вопыт мяне шмат чаму навучыў, і я спадзяюся, што ён прымусіў задумацца і вас. І памятайце, што мастацтва заўсёды імкнецца задаваць пытанні і правакаваць на разважанні. А мая мэта як актрысы і мастака — выкарыстоўваць розныя формы мастацтва, каб выклікаць эмоцыі і абмеркаванні, якія дапамогуць нам зразумець саміх сябе і свет вакол нас», — сказала Даша.
Цяпер чытаюць
Лукашэнка расказаў пра забойства апазіцыянера, якое нібыта адбылося тры дні таму18
Каментары
Ціктокеры вырашылі хайпануць, запісалі ролік, а далей як пойдзе... Не пайшло: фанаты пазналі актрысу. Прыйшлося апраўдвацца, шукаць глыбокія сэнсы.