Uładalnik Telegram ličyć dziŭnym, što francuzskaje pravasudździe vystaŭlaje pretenzii jamu asabista, a nie internet-płatformie.
Pavieł Duraŭ upieršyniu prakamientavaŭ svajo zatrymańnie ŭ Francyi. Hety dopis staŭ pieršym dla Durava z momantu jaho zatrymańnia francuzskimi ŭładami.
Sa słoŭ zasnavalnika Telegram, jamu niezrazumieła: čamu francuzskija ŭłady prosta nie źviazalisia ź im abo z aficyjnym pradstaŭnikom płatformy ŭ Francyi, kab abmierkavać pretenzii, jakija ŭźnikli. Jon taksama ličyć dziŭnym pradjaŭlać pretenzii za palityku servisu jamu asabista.
Vykarystoŭvać zakony, pryniatyja jašče da źjaŭleńnia smartfonaŭ, kab pasprabavać uskłaści adkaznaść na kiraŭnikoŭ płatformaŭ za dziejańni trecich asob, — niapravilny padychod», — prakamientavaŭ Duraŭ.
Jon taksama zajaviŭ, što nivodny navatar nikoli nie stanie stvarać ničoha inavacyjnaha, kali viedaje, što jaho mohuć pryciahnuć da adkaznaści za toje, što chtości skarystaŭsia jaho vynachodstvam u złačynnych metach.
Duraŭ raspavioŭ, što palityka płatformy budujecca na zabieśpiačeńni pryvatnaści svaich klijentaŭ, nahadaŭšy, što Telegram nie pieradaŭ «klučy šyfravańnia» ni rasiejskim uładam, ni kamuści jašče.
Jon zajaviŭ, što kali z uładami niejkaj krainy nie ŭdajecca damovicca «ab bałansie pamiž pryvatnaściu i biaśpiekaj», to servisu praściej pakinuć hetuju krainu.
Pry hetym Duraŭ paviedamiŭ, što Telegram vydalaje miljony škodnasnych pastoŭ i kanałaŭ kožny dzień. I paabiacaŭ zrabić bolš žorstkimi abmiežavańni najbližejšym časam.
Pavieł Duraŭ byŭ zatrymany ŭ Paryžy 24 žniŭnia, kali prylacieŭ tudy pryvatnym samalotam. 28 žniŭnia jon byŭ vyzvaleny pad zakład 5 młn jeŭra, ale jamu zabaroniena pakidać Francyju i nieabchodna dva razy na tydzień adznačacca ŭ palicyi.
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary