Palitviaźniu ŭkrainskaha pachodžańnia ŭžo prysudzili kałoniju. A ciapier sudziać jašče pa piaci palityčnych artykułach
Siarhiej Bieły rodam z ukrainskaha Chiersona, ale amal usio žyćcio pražyŭ u Biełarusi. Ciapier jamu pahražaje da piaci hadoŭ novaha terminu.
Siarhieju Biełamu 51 hod. Rodam jon z Chiersona, ale jak minimum z 1990-ch žyŭ u Minsku. Usio žyćcio pracavaŭ na roznych rabočych śpiecyjalnaściach. Maje dvuch niepaŭnaletnich dziaciej.
Biełaha zatrymali ŭ lutym 2023 hoda. Na milicejskim videa jon kaža, što pakidaŭ kamientary ŭ telehramie i «prajšoŭ rehistracyju ŭ čat-bocie płan «Pieramoha».
U pieršy raz jaho asudzili da pazbaŭleńnia voli ŭ kastryčniku 2023 hoda. Tady jaho abvinavačvali ŭ «raspalvańni varožaści» (č. 1 art. 130 KK).
Nastupny sud nad Siarhiejem pačynajecca 27 vieraśnia 2024 hoda ŭ Minskim haradskim sudzie. Jaho abvinavačvajuć pa čatyroch artykułach — «udzieł u ekstremisckim farmiravańni» (č. 3 art. 361-1 KK), «raspalvańnie varožaści» (č. 1 art. 130 KK), «abraza pradstaŭnika ŭłady» (art. 369 KK) i «abraza Łukašenki» (č. 1 art. 368 KK). Siarhieju pahražaje da piaci hadoŭ kałonii ŭ dadatak da minułaha termina.
Sudzić jaho budzie Michaił Makarevič. Jon prysudziŭ tolki pa viadomych administratyŭkach kala 1800 sutak aryštu i 29000 rubloŭ štrafaŭ. Taksama asudziŭ ludziej pa bolš čym 30 palityčnych kryminałkach. Raniej pracavaŭ u Śledčym kamitecie.
«Naša Niva» — bastyjon biełaruščyny
PADTRYMAĆCiapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki31
Kamientary