U Brytanii pamierła samaja staraja kotka ŭ śviecie. Joj było 33 hady
U čałaviečym vymiareńni — heta 152 hady.
Puchnataja čarapachavaja kotka Rozi pamierła ŭ kalidory svajho doma ŭ Norvičy na minułym tydni, piša New York Post.
Rozi naradziłasia ŭ 1991 hodzie, jana była nieaficyjnaj uładalnicaj tytuła «najstarejšaja kotka ŭ śviecie», bo ciapierašnim uładalnikam źjaŭlajecca 28-hadovaja kotka pa imieni Fłosi z Kienta, jakaja naradziłasia ŭ 1995 hodzie.
1 červienia hetaha hoda Rozi spoŭniłasia 33 hady, i jana pamierła va ŭzroście, ekvivalentnym 152 čałaviečym hadam.
Zabitaja horam Liła Bryset, jakaja ŭdačaryła Rozi, kali taja była kacianiom, skazała: «Ja tak pa joj sumuju».
«Joj było nie vielmi dobra, i adnojčy jana prosta vyjšła ŭ kalidor doma, lehła i pamierła.
U mianie zastałosia šmat dobrych uspaminaŭ, i ja ščaślivaja, što my praviali čas razam».
Rozi lubiła pajeści i paspać, i jaje časta možna było zaśpieć śpiačaj na padakońniku.
Ciapier čytajuć
Dron prylacieŭ u pasažyrski aŭtobus na miažy Rasii i Biełarusi13
Kamientary