Kino22

U centry Talina źjavilisia vialikaja krama biełaruskaj techniki i bistro «Biełaruś». Što adbyvajecca?

Novyja vyvieski napužali miascovych žycharoŭ.

Bistro «Biełaruś» na Narvskaj šašy ŭ Talinie. Kadr z tyktoka

U sacsietkach zaŭvažyli, što Narvskuju šašu, hałoŭnuju vulicu horada, zachapili šmatlikija ŭstanovy z ruskamoŭnaj rekłamaj. Heta samaje serca stalicy, za niekalki krokaŭ ad Staroha horada.

«Picca Ariecco», «Kitajskaja kuchnia», «Turističieskoje ahientstvo», «Biuro putiešiestvij», «Vino Vino», bank «Kravčienko i partniory», studyja pryhažości «Viesna», apteka «Mironov» — takija nadpisy ciapier krasujucca na fasadach damoŭ u Talinie.

Pobač bistro «Biełaruś», a ŭ voknach rekłama vialikaj biełaruskaj kramy bytavoj techniki, jakaja abiacaje vielizarnyja źnižki. Dyj samu Narvskuju šašu pierajmienavali — na anšłahach jana stała nazyvacca vulicaj Tkałava.

@daryamavendee ČTO PROISCHODIT?! #tallinn #estonija #tallinn ♬ CRAZY - LE SSERAFIM

Viadoma, pieraŭvasableńnie Talina va ŭmoŭny Minsk źviazana z tym, što ŭ horadzie prachodziać zdymki.

«Ujavicie reakcyju ludziej, jakija nie ŭ kursie zdymkaŭ. Vyrašać, što nas zachapili», — žartujuć miascovyja žychary.

Vosieńniu ŭ Estonii pačalisia zdymki novaha amierykanskaha sieryjała «Ahienctva» (The Agency) ŭ žanry špijonskaha trylera. Sieryjał zdymajuć studyi Paramount+ i Showtime. Pradziusarami vystupili Džordž Kłuni i Hrant Chiesłaŭ, hałoŭnuju rolu syhraje Majkł Faśbiender, taksama ŭ sieryjale źjaviacca takija zorki jak Džefry Rajt i Ryčard Hir.

Sieryjał zasnavany na francuzskim sieryjale «Biuro lehiend» (Le Bureau des Légendes), jaki vychodziŭ na Canal+ z 2015 pa 2020 hod.

Majkł Faśbiender syhraje hałoŭnuju rolu ŭ budučym sieryjale «Ahienctva». 

Dziejańnie sieryjała razhortvajecca ŭ adździele, jaki adkazvaje za padrychtoŭku ahientaŭ pad hłybokim prykryćciom, jakija vykonvajuć praciahłyja raźviedvalnyja zadańni i hadami žyvuć pad čužoj maskaj.

Viadoma, Biełaruś, jakaja ŭ apošnija hady pieratvaryłasia ŭ «šeruju zonu» Jeŭropy i varožuju da Zachadu krainu, idealna pasuje dla špijonskich pryhod. Raniej u takoj jakaści časta vystupali postkamunistyčnyja Bałkany.

U Estonii, jak i ŭ inšych krainach, dziejničaje prahrama padtrymki zdymak zamiežnych kinaprajektaŭ na jaje terytoryi. U ramkach takoj prahramy kampiensujecca 20-30% vydatkaŭ na zdymki. Kraina ničoha nie stračvaje, bo hrošy ŭ kudy bolšym abjomie viartajucca ŭ biudžet u vyhladzie padatkaŭ i inšych vydatkaŭ kinastudyi.

Scena pahoni na vulicy Łaahna ŭ Talinie. Kadr ź filma «Tenet»

Šyroka pra Talin jak dobraje miesca dla zdymak u śviecie daviedalisia paśla filma «Tenet» Krystafiera Nołana. Na mahistralnaj vulica Łaahna ŭ spalnym rajonie Łasnamiae była źniata scena pahoni dla hetaha filma.

Biełaruś ža siońnia pieratvaryłasia nie ŭ vyhodnaje miesca dla halivudskich prajektaŭ, a ŭ darmovuju bazu dla rasijskich kinošnikaŭ.

Kamientary2

  • Anatol Starkou
    19.09.2024
    Heta adnačasova pravakacyja i hłupstva. Słova Biełaruś naležyć Biełarusi, a nie bčb zsaharam.
  • Zmahar
    23.09.2024
    Anatol Starkou, Biełaruskaja mova naležyć usim biełarusam, navat takim jołupniam jak skvapny amatar harełki Starka.

Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2

Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka

Usie naviny →
Usie naviny

U centry Minska źjaviŭsia chab, dzie možna zaradžać 22 elektraaŭtamabili adnačasova

Na žurnalistku Irynu Chalip zaviali kryminalnuju spravu. Dapytvali jaje starych baćkoŭ4

Polski błohier naviedaŭ Biełaruś — niekatoryja jaho vysnovy vas ździviać32

Da kiraŭnika Ofisa prezidenta Ukrainy Andreja Jermaka pryjšli z vobšukami18

Kiraŭnik Ofisa Zialenskaha: Nichto nie pavinien raźličvać, što my addadzim terytoryju7

Paśla pryznańnia brenda Belaruskicry ekstremisckim jaho vyraby płahijaciać inšyja juvieliry ź Minska FOTY6

U Minsku adkryŭsia ruch pa moście na vulicy Haładzieda

Administracyja Trampa pravieryć hryn-karty vychadcaŭ z 19 krain, u tym liku z Afhanistana1

Tatuiroŭki bjuć pa imunitecie i pryvodziać da chraničnaha zapaleńnia ŭ limfatyčnaj sistemie — novaje daśledavańnie4

bolš čytanych navin
bolš łajkanych navin

Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka2

Pamiłavany i departavany ŭkrainiec Katovič raskazaŭ, za jakuju abrazu na jaho pakryŭdziŭsia Łukašenka

Hałoŭnaje
Usie naviny →

Zaŭvaha:

 

 

 

 

Zakryć Paviedamić