Čamu katy i koški tak lohka prałaziać u vuzkija ščyliny? I nie tolki
I čamu katy naohuł lubiać chavacca ŭ vuzkich miescach?
Koški viadomyja svajoj zdolnaściu prałazić praź niejmavierna vuzkija adtuliny. Ale ŭ čym kryjecca ich sakret? Usia sprava ŭ asablivaściach budovy ich cieła, havorycca ŭ daśledavańni, apublikavanym u časopisie iScience, piša RTVi.
Hałoŭnaja pryčyna hnutkaści katoŭ — ich plečavy pojas. U ludziej łapatki i klučycy mocna złučanyja kostkami, a ŭ katoŭ jany prymacavanyja da cieła tolki pry dapamozie ciahlic. Heta daje im bolšuju svabodu ruchaŭ. Akramia taho, klučycy ŭ hetych žyvioł sami pa sabie minijaciurnyja, što dazvalaje im ź lohkaściu praciskacca ŭ vuzkija ščyliny.
«Heta evalucyjnaja pieravaha dapamahaje katam palavać na drobnuju zdabyču i chavacca ad drapiežnikaŭ», — raspaviała kiraŭnik Mižnarodnaha tavarystva kacinaj miedycyny ŭ Vialikabrytanii Natali Doŭhrau.
Jašče adna važnaja detal — kacinyja vusy.
Jany nie tolki doŭhija i ščylnyja ŭ paraŭnańni z astatniaj raślinnaściu na ciele žyvioły, ale i mocna adčuvalnyja. Na ich skancentravana mnostva niervovych kančatkaŭ, jakija dapamahajuć katam aceńvać, ci zmohuć jany praleźci ŭ adtulinu.
Darečy, niekatoryja navukoŭcy zadavalisia pytańniem: «A ci nie vadkija koški?». Fizik z Paryžskaha ŭniviersiteta Dzidro Mark-Antuan Farden u 2017 hodzie atrymaŭ za heta daśledavańnie Šnobieleŭskuju premiju.
U apošnim ža daśledavańni vyśvietliłasia, što koški sapraŭdy mohuć być «(amal) vadkimi», prałaziačy ŭ adtuliny, mienšyja za ich hrudnuju kletku. Heta źviazana z tym, što jany dobra razumiejuć pamiery svajho cieła i vybirajuć rozny padychod dla vuzkich i nizkich adtulin.
A čamu katy naohuł lubiać chavacca ŭ vuzkich miescach? Akazvajecca, jany robiać heta, kali adčuvajuć stres abo chočuć adčuć siabie ŭ biaśpiecy.
«Kali kot napałochany ci choča adasobicca, jon vybiraje nievialikija prastory, kab adčuvać siabie ŭ biaśpiecy», — zajaviła Doŭhraŭ.
Takim čynam, kacinaja hnutkaść — heta nie tolki vynik budovy cieła, ale i važnaja častka pavodzin žyvioł.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary